2019 jyly elordanyń jeke sot oryndaýshylarynyń qaraýynda aliment tólemegender boiynsha 17 576 qujat boldy. Onyń ishinde 1716 boryshker alimentti múldem tólemegen, dep habarlaidy qalalyq ákimdiktiń resmi saity.
Búgingi kúni 4 053 qujat qaraýdan ɵtti. Onyń 154-i oryndaldy, 925-ine atqarýshylyq óndiris toqtatyldy, 3000 is óndirip alýshylarǵa oryndalmai qaitaryldy. Jeke sot oryndaýshylar qaraýynda 13 523 qujat qaldy. Atqarýshylyq is júrgizý organdarynyń avtomattandyrylǵan júiesine sáikes 6 692 qujat ýaqytynda oryndalýda, 747 - ýaqytsha toqtatylǵan.
Sonymen qatar, aliment óndirý týraly 1716 atqarýshylyq is júrgizý problemaly bolyp sanalady. Iaǵni, boryshkerler tiisti alimentterdi múlde tólemeidi. Taǵy 4368 qujat boiynsha turaqsyz tólem júrgizedi.
Qalanyń quqyq qorǵaý organdary kámeletke tolmaǵan balalaryna aliment tóleýden jaltarý ákimshilik jáne qylmystyq jaýapkershilikke ákeletinin eskertedi.
