Aqmola oblysy aýmaǵynda aýa raiynyń nasharlaýyna bailanysty respýblikalyq jáne oblystyq mańyzdaǵy joldar jabyldy, dep habarlaidy «Ult aqparat».
«Aýa raiynyń nasharlaýyna bailanysty 8 aqpan saǵat 13:30 bastap «Nur-Sultan-Petropavl» avtomobil jolynyń 18-231 shaqyrym ýchaskesinde (Nur-Sultan qalasynan Shýche qalasyna deiin) kóliktiń barlyq túriniń qozǵalysyna tyiym salyndy» dep habarlady «QazAvtoJol» UK» AQ baspasóz qyzmetindegiler.
Aita keteiik, óńirde buǵan deiin «Nur-Sultan-Ereimentaý-Shiderti» avtomobil jolynyń 16-200 shaqyrym aralyǵy (Nur-Sultan qalasynan Pavlodar oblysy shekarasyna deiin) jabylǵan bolatyn.
Odan bólek, «Nur-Sultan - Qorǵaljyn» avtomobil jolynyń 19-118 shaqyrym ýchaskesi (Nur-Sultan qalasynan Qorǵaljyn qoryǵyna deiingi aralyq) jabylyp otyr.
