Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi
Aimaq

Nur-Sultan men Almatyda kóptegen kásiporynnyń jumysy toqtatylady

Ult portaly
Nur-Sultan men Almatyda kóptegen kásiporynnyń jumysy toqtatylady

Nur-Sultan jáne Almaty qalalarynda 30 naýryz ben 5 sáýir aralyǵynda kásiporyndar men uiymdardyń jumysy ýaqytsha toqtatylady. Bul týraly primeminister.kz habarlady.

QR Premer-Ministri Asqar Maminniń tóraǵalyǵymen QR Prezidenti janyndaǵy Tótenshe jaǵdai rejimin qamtamasyz etý jónindegi memlekettik komissiianyń selektorlyq otyrysy ótti. 

Elimizdegi sanitarlyq-epidemiologiialyq jaǵdai týraly densaýlyq saqtaý ministri E. Birtanov, Nur-Sultan jáne Almaty qalalaryndaǵy ahýal týraly ákimder A. Kólginov pen B. Saǵyntaev baiandady.

Memlekettik komissiia koronavirýstyq infektsiianyń taralýyn shekteý maqsatynda Nur-Sultan jáne Almaty qalalarynda biylǵy 30 naýryz ben 5 sáýir aralyǵynda ortalyq memlekettik organdar, ákimdikter, quqyq qorǵaý organdary, densaýlyq saqtaý uiymdary, BAQ, azyq-túlik dúkenderi, dárihanalar men tirshilikti qamtamasyz etý uiymdaryn qospaǵanda, menshik túrine qaramastan barlyq kásiporyndar men uiymdardyń jumysyn ýaqytsha toqtatý týraly sheshimdi bekitti. Tolyq tizim qalalardyń ákimdikterimen kelise otyryp anyqtalady.

26 naýryz keshkisin Nur-Sultanda bir áiel adam Covid-19 dertinen qaitys boldy. 25 naýryzda Almatyda bir, Nur-Sultanda bir naýqas dertinen aiyqqan edi.

Qazaqstanda koronavirýsqa bailanysty 15 sáýirge deiin tótenshe jaǵdai. 19 naýryzdan bastap Almaty men Nur-Sultan qalalary karantinge kóshti.

Al 28 naýryzdan bastap eldegi iri úsh qalada - Almaty, Nur-Sultan, Shymkentte shekteýler kúsheiedi:

  • Endi úsh qaladaǵy jurt jumysqa, azyq-túlik jáne dári alýǵa ǵana shyǵa alady.
  • Park, jaiaý júrginshiler kóshesi, jaǵalaýlar, oiyn alańdary jabylady.
  • Qoǵamdyq kólikterdiń jumysy shektele bastaidy.
  • Qoǵamdyq oryndarda úsh adamnan artyq jinalýǵa bolmaidy. Bul shekteýdiń bir otbasynyń adamdaryna qatysy joq.
  • Balalar eresektersiz kóshege shyǵýǵa tyiym salynady.

28 naýryzdan bastap Shymkentte temirjol vokzaly, áýejai jumysy toqtaidy, qoǵamdyq kólik jumysyna shekteý qoiylady. 

Qazaqstanda qazir 124 adamǵa virýs juqqany anyqtaldy: Almatyda - 48 adam, Nur-Sultanda - 61 adam, Qaraǵandyda - tórt adam, Jambyl oblysynda - úsh adam, Shymkentte - eki adam, Almaty oblysynda - bir adam, Aqtóbe oblysynda - bir adam, Soltústik Qazaqstan oblysynda - bir adam, Atyraý oblysynda úsh adam.

Ótken jyldyń sońynda Qytaida alǵash ret tirkelgeli beri álemde koronavirýs juqtyrǵandar jarty millionǵa jýyqtap qaldy. AQSh-taǵy Djon Hopkins ýniversitetiniń dereginshe, 27 naýryzda álemde virýs juqtyrǵandar 530 myńnan asty. 24 myńnan asa adam qaza bolyp, 120 myńnan astam naýqas dertten aiyqty. Dúniejúzilik densaýlyq saqtaý uiymy Covid-19 koronavirýsyn "pandemiia" dep jariialaǵan.

Oqi otyryńyz