نۇر-سۇلتان جەنە الماتى قالالارىندا 30 ناۋرىز بەن 5 سەۋٸر ارالىعىندا كەسٸپورىندار مەن ۇيىمداردىڭ جۇمىسى ۋاقىتشا توقتاتىلادى. بۇل تۋرالى primeminister.kz حابارلادى.
قر پرەمەر-مينيسترٸ اسقار ماميننٸڭ تٶراعالىعىمەن قر پرەزيدەنتٸ جانىنداعى تٶتەنشە جاعداي رەجيمٸن قامتاماسىز ەتۋ جٶنٸندەگٸ مەملەكەتتٸك كوميسسييانىڭ سەلەكتورلىق وتىرىسى ٶتتٸ.
ەلٸمٸزدەگٸ سانيتارلىق-ەپيدەميولوگييالىق جاعداي تۋرالى دەنساۋلىق ساقتاۋ مينيسترٸ ە. بٸرتانوۆ, نۇر-سۇلتان جەنە الماتى قالالارىنداعى احۋال تۋرالى ەكٸمدەر ا. كٶلگٸنوۆ پەن ب. ساعىنتاەۆ باياندادى.
26 ناۋرىز كەشكٸسٸن نۇر-سۇلتاندا بٸر ەيەل ادام Covid-19 دەرتٸنەن قايتىس بولدى. 25 ناۋرىزدا الماتىدا بٸر, نۇر-سۇلتاندا بٸر ناۋقاس دەرتٸنەن ايىققان ەدٸ.
قازاقستاندا كوروناۆيرۋسقا بايلانىستى 15 سەۋٸرگە دەيٸن تٶتەنشە جاعداي. 19 ناۋرىزدان باستاپ الماتى مەن نۇر-سۇلتان قالالارى كارانتينگە كٶشتٸ.
ال 28 ناۋرىزدان باستاپ ەلدەگٸ ٸرٸ ٷش قالادا - الماتى, نۇر-سۇلتان, شىمكەنتتە شەكتەۋلەر كٷشەيەدٸ:
- ەندٸ ٷش قالاداعى جۇرت جۇمىسقا, ازىق-تٷلٸك جەنە دەرٸ الۋعا عانا شىعا الادى.
- پارك, جاياۋ جٷرگٸنشٸلەر كٶشەسٸ, جاعالاۋلار, ويىن الاڭدارى جابىلادى.
- قوعامدىق كٶلٸكتەردٸڭ جۇمىسى شەكتەلە باستايدى.
- قوعامدىق ورىنداردا ٷش ادامنان ارتىق جينالۋعا بولمايدى. بۇل شەكتەۋدٸڭ بٸر وتباسىنىڭ ادامدارىنا قاتىسى جوق.
- بالالار ەرەسەكتەرسٸز كٶشەگە شىعۋعا تىيىم سالىنادى.
28 ناۋرىزدان باستاپ شىمكەنتتە تەمٸرجول ۆوكزالى, ەۋەجاي جۇمىسى توقتايدى, قوعامدىق كٶلٸك جۇمىسىنا شەكتەۋ قويىلادى.
قازاقستاندا قازٸر 124 ادامعا ۆيرۋس جۇققانى انىقتالدى: الماتىدا - 48 ادام, نۇر-سۇلتاندا - 61 ادام, قاراعاندىدا - تٶرت ادام, جامبىل وبلىسىندا - ٷش ادام, شىمكەنتتە - ەكٸ ادام, الماتى وبلىسىندا - بٸر ادام, اقتٶبە وبلىسىندا - بٸر ادام, سولتٷستٸك قازاقستان وبلىسىندا - بٸر ادام, اتىراۋ وبلىسىندا ٷش ادام.
ٶتكەن جىلدىڭ سوڭىندا قىتايدا العاش رەت تٸركەلگەلٸ بەرٸ ەلەمدە كوروناۆيرۋس جۇقتىرعاندار جارتى ميلليونعا جۋىقتاپ قالدى. اقش-تاعى دجون حوپكينس ۋنيۆەرسيتەتٸنٸڭ دەرەگٸنشە, 27 ناۋرىزدا ەلەمدە ۆيرۋس جۇقتىرعاندار 530 مىڭنان استى. 24 مىڭنان اسا ادام قازا بولىپ, 120 مىڭنان استام ناۋقاس دەرتتەن ايىقتى. دٷنيەجٷزٸلٸك دەنساۋلىق ساقتاۋ ۇيىمى Covid-19 كوروناۆيرۋسىن "پاندەمييا" دەپ جارييالاعان.
