QR Bas memlekettik sanitarlyq dárigeri Aijan Esmaǵambetova Almaty men Nur-Sultan qalalarynda karantin talaptaryn kúsheitý týraly suraqqa jaýap berdi, dep habarlaidy QazAqparat.
«Naýqastar sanynyń artýy – karantindi kúsheitý nemese jumsartýdyń jalǵyz faktory emes. Almaty oblysyn alyp qarasaq, bir apta ishinde aýrý ósimi 7% asty, sondyqtan karantin kúsheitildi. Nur-Sultan men Almatydaǵy kórsetkish 7% tómen. Biraq sońǵy aptadaǵy oqiǵalardyń 30% osy qalalarǵa tiesili. TJ rejiminen keiin ashylǵan nysandardyń jumysyn tekseretin monitoringtik top nysandardyń 53% ereje buzǵanyn kórsetti», - dedi Bas sanitarlyq dáriger Facebook-te ótken onlain-brifingte.
Aijan Esmaǵambetova karantindi kúsheitýde nemese jeńildetýde qandai alǵysharttar eskeriletinin túsindirdi.
«Munda syrqattaný ósimi ǵana emes, 1 adamnyń qansha adamǵa virýs taratqany, halyqtyń aldyn alý sharalaryn qalai ustanǵany da esepteledi. Nysandarǵa qoiylatyn talap boiynsha 40-tan astam algoritm bar. Eger barlyǵymyz birigip shara qoldanbasaq, qaitadan kúsheitilgen karantinge túsýimiz múmkin. Biz nysan kelýshileri bolyp ta sanalamyz. Teńgerimdi saqtaý ǵana karantindi kúsheitýden saqtaidy. Negizgi gigiena talaptaryn saqtaýǵa artyq kúshtiń de qajeti joq», - dedi A. Esmaǵambetova.
