قر باس مەملەكەتتٸك سانيتارلىق دەرٸگەرٸ ايجان ەسماعامبەتوۆا الماتى مەن نۇر-سۇلتان قالالارىندا كارانتين تالاپتارىن كٷشەيتۋ تۋرالى سۇراققا جاۋاپ بەردٸ, دەپ حابارلايدى قازاقپارات.
«ناۋقاستار سانىنىڭ ارتۋى – كارانتيندٸ كٷشەيتۋ نەمەسە جۇمسارتۋدىڭ جالعىز فاكتورى ەمەس. الماتى وبلىسىن الىپ قاراساق, بٸر اپتا ٸشٸندە اۋرۋ ٶسٸمٸ 7% استى, سوندىقتان كارانتين كٷشەيتٸلدٸ. نۇر-سۇلتان مەن الماتىداعى كٶرسەتكٸش 7% تٶمەن. بٸراق سوڭعى اپتاداعى وقيعالاردىڭ 30% وسى قالالارعا تيەسٸلٸ. تج رەجيمٸنەن كەيٸن اشىلعان نىسانداردىڭ جۇمىسىن تەكسەرەتٸن مونيتورينگتٸك توپ نىسانداردىڭ 53% ەرەجە بۇزعانىن كٶرسەتتٸ», - دەدٸ باس سانيتارلىق دەرٸگەر Facebook-تە ٶتكەن ونلاين-بريفينگتە.
ايجان ەسماعامبەتوۆا كارانتيندٸ كٷشەيتۋدە نەمەسە جەڭٸلدەتۋدە قانداي العىشارتتار ەسكەرٸلەتٸنٸن تٷسٸندٸردٸ.
«مۇندا سىرقاتتانۋ ٶسٸمٸ عانا ەمەس, 1 ادامنىڭ قانشا ادامعا ۆيرۋس تاراتقانى, حالىقتىڭ الدىن الۋ شارالارىن قالاي ۇستانعانى دا ەسەپتەلەدٸ. نىساندارعا قويىلاتىن تالاپ بويىنشا 40-تان استام الگوريتم بار. ەگەر بارلىعىمىز بٸرٸگٸپ شارا قولدانباساق, قايتادان كٷشەيتٸلگەن كارانتينگە تٷسۋٸمٸز مٷمكٸن. بٸز نىسان كەلۋشٸلەرٸ بولىپ تا سانالامىز. تەڭگەرٸمدٸ ساقتاۋ عانا كارانتيندٸ كٷشەيتۋدەن ساقتايدى. نەگٸزگٸ گيگيەنا تالاپتارىن ساقتاۋعا ارتىق كٷشتٸڭ دە قاجەتٸ جوق», - دەدٸ ا. ەسماعامبەتوۆا.
