TýrStat týristik portaly kúzde demalýǵa jáne saiahattaýǵa qolaily TMD elderiniń úzdik qalalar reitingin usyndy, dep habarlaidy "Ult aqparat".
Reseilik týristerdiń kúzde saiahattaýy úshin TMD elderinde Minsk, Astana jáne Erevan kósh bastap tur.
TMD qalalarynyń týrister arasyndaǵy alǵashqy ondyǵyna Belarýstegi Minsk, Qazaqstandaǵy Nur-Sultan, Armeniiadaǵy Erevan, Qazaqstandaǵy Almaty, Ázerbaijandaǵy Baký, Ózbekstandaǵy Tashkent, Moldovadaǵy Kishinev, Qyrǵyzstandaǵy Bishkek, Tájikstandaǵy Dýshanbe jáne Túrkmenstandaǵy Ashhabad kiredi.
Minskide 20 qyrkúiekten 8 qazanǵa deiin «TEART» Halyqaralyq teatr óneriniń forýmy ótedi, 5 qazanda Armeniianyń Areni aýylynda jyl saiynǵy sharap jasaý festivali ótedi, 5 jáne 6 qazanda Kishinevte sharap kúni atalyp ótedi, qazan aiynyń sońynda Ázerbaijannyń Geichai qalasynda dástúrli anar merekesi ótedi.
TýrStat málimetterine sáikes, týrister qalalarǵa kúzde saiahat jasaýǵa jáne tamaqtanýǵa kúnine 40-100 dollar aralyǵynda qarajat jumsaidy, demalys kúnderi Minsk pen Erevanǵa, shoping úshin Nur-Sultan men Bakýge barady.
