Karantin sharalarynyń kúsheitilýine bailanysty Nur-Sultan qalasy men Almaty oblysynyń HQO-lary azamattardy tek aldyn ala bronmen qabyldaidy, dep habarlaidy "Ult aqparat" «Azamattarǵa arnalǵan úkimet» korporatsiiasyna silteme jasap.
Budan buryn klientterdi bron arqyly Almaty qalasynyń HQO-lary qabyldai bastaǵan bolatyn.
«Bas sanitar dárigerdiń qaýlysy – klientterimiz ben qyzmetkerlerimizdi virýstan qorǵaýǵa múmkindik beretin májbúrli shara. Bul sheshimge qazaqstandyqtar túsinistikpen qaraidy dep oilaimyn jáne erekshe qajettilik bolmasa, azamattardy HQO-ǵa barmaýdy suraimyz. Sondai-aq memlekettik qyzmetterdiń 80%-dan astamyn eGov.kz jáne eGov mobile mobildi qosymshasynda onlain alýǵa bolatynyn eske salamyn. Saq bolyńyzdar!» – deidi Azamattarǵa arnalǵan úkimettiń Qoǵammen bailanys jónindegi basqarýshy direktory Bairam Azizov.
Kezekti birneshe minýt ishinde egov.kz portaly, egov mobile qosymshasy, egovkzbot2.0 (@kenes1414bot) telegram-boty, sondai-aq 1414 bailanys ortalyǵyna qońyraý shalý arqyly brondaýǵa bolady.
Klientke brondaý kezinde óziniń jeke derekterin toltyryp, óńirdi, HQO bólimin, kelý ýaqyty men kúnin tańdaý qajet.
Kópbalaly otbasylar, zeinetkerler nemese múgedektigi bar adamdar HQO-ǵa kezekti brondaý barysynda «Jeńildik terezesin» tańdai alady. Sondai-aq, eger HQO-ǵa bir barǵanda birneshe memlekettik qyzmet túrin rásimdeý qajet bolsa, portaldan tiisti baǵdardy tańdaý qajet.
Azamattarǵa arnalǵan úkimet HQO-ǵa brondalǵan ýaqyttan 10-15 minýt buryn kelýge jáne barlyq sanitarlyq talapty saqtaýdy suraidy. Óńirlerdiń sanitar dárigerleriniń qaýlysy boiynsha HQO-lar dúisenbiden senbige deiin saǵat 9.00-den 18.00-ge deiin jumys isteidi (Almaty oblysynyń HQO-lary senbi kúni qysqartylǵan keste boiynsha qabyldaidy).
