كارانتين شارالارىنىڭ كٷشەيتٸلۋٸنە بايلانىستى نۇر-سۇلتان قالاسى مەن الماتى وبلىسىنىڭ حقو-لارى ازاماتتاردى تەك الدىن الا برونمەن قابىلدايدى, دەپ حابارلايدى "ۇلت اقپارات" «ازاماتتارعا ارنالعان ٷكٸمەت» كورپوراتسيياسىنا سٸلتەمە جاساپ.
بۇدان بۇرىن كليەنتتەردٸ برون ارقىلى الماتى قالاسىنىڭ حقو-لارى قابىلداي باستاعان بولاتىن.
«باس سانيتار دەرٸگەردٸڭ قاۋلىسى – كليەنتتەرٸمٸز بەن قىزمەتكەرلەرٸمٸزدٸ ۆيرۋستان قورعاۋعا مٷمكٸندٸك بەرەتٸن مەجبٷرلٸ شارا. بۇل شەشٸمگە قازاقستاندىقتار تٷسٸنٸستٸكپەن قارايدى دەپ ويلايمىن جەنە ەرەكشە قاجەتتٸلٸك بولماسا, ازاماتتاردى حقو-عا بارماۋدى سۇرايمىز. سونداي-اق مەملەكەتتٸك قىزمەتتەردٸڭ 80%-دان استامىن eGov.kz جەنە eGov mobile موبيلدٸ قوسىمشاسىندا ونلاين الۋعا بولاتىنىن ەسكە سالامىن. ساق بولىڭىزدار!» – دەيدٸ ازاماتتارعا ارنالعان ٷكٸمەتتٸڭ قوعاممەن بايلانىس جٶنٸندەگٸ باسقارۋشى ديرەكتورى بايرام ازيزوۆ.
كەزەكتٸ بٸرنەشە مينۋت ٸشٸندە egov.kz پورتالى, egov mobile قوسىمشاسى, egovkzbot2.0 (@kenes1414bot) تەلەگرام-بوتى, سونداي-اق 1414 بايلانىس ورتالىعىنا قوڭىراۋ شالۋ ارقىلى برونداۋعا بولادى.
كليەنتكە برونداۋ كەزٸندە ٶزٸنٸڭ جەكە دەرەكتەرٸن تولتىرىپ, ٶڭٸردٸ, حقو بٶلٸمٸن, كەلۋ ۋاقىتى مەن كٷنٸن تاڭداۋ قاجەت.
كٶپبالالى وتباسىلار, زەينەتكەرلەر نەمەسە مٷگەدەكتٸگٸ بار ادامدار حقو-عا كەزەكتٸ برونداۋ بارىسىندا «جەڭٸلدٸك تەرەزەسٸن» تاڭداي الادى. سونداي-اق, ەگەر حقو-عا بٸر بارعاندا بٸرنەشە مەملەكەتتٸك قىزمەت تٷرٸن رەسٸمدەۋ قاجەت بولسا, پورتالدان تيٸستٸ باعداردى تاڭداۋ قاجەت.
ازاماتتارعا ارنالعان ٷكٸمەت حقو-عا بروندالعان ۋاقىتتان 10-15 مينۋت بۇرىن كەلۋگە جەنە بارلىق سانيتارلىق تالاپتى ساقتاۋدى سۇرايدى. ٶڭٸرلەردٸڭ سانيتار دەرٸگەرلەرٸنٸڭ قاۋلىسى بويىنشا حقو-لار دٷيسەنبٸدەن سەنبٸگە دەيٸن ساعات 9.00-دەن 18.00-گە دەيٸن جۇمىس ٸستەيدٸ (الماتى وبلىسىنىڭ حقو-لارى سەنبٸ كٷنٸ قىسقارتىلعان كەستە بويىنشا قابىلدايدى).
