Elorda «sary» men «qyzyl» aimaqtardyń túiisken tusyna keldi. Qazirgi ýaqytta «qyzyl» aimaqqa ótip ketýdiń aldynda tur. Bul týraly qalanyń bas sanitar dárigeri Sarhat Beisenova málimdedi, dep habarlaidy "Ult aqparat".
Qalalyq ákimdiktiń málimetine sensek, sońǵy kúnderi COVID-19 infektsiiasyn juqtyrýshylar sany 100 adamnan asyp jyǵylatyny belgili.
«Birinshi kezekte, bul táýligine tapsyrylatyn test sanynyń artýyna bailanysty. Eger buryn 2-2,5 myń adam tapsyrsa, qazir táýligine 4,5 myńǵa deiin jetedi. Sonymen qatar, jańajyldyq merekelerden keiin inkýbatsiialyq kezeń ótedi. Iaǵni, sanitarlyq normalardy elemegen adamdar bar. Endi baǵytty túzep, koronavirýstyń taralýyn azaitý kerek. Buǵan bizge karantindik shekteý sharalary aitarlyqtai kómektesedi. Qazir qosymsha karantindik sharalar engizý týraly jańa qaýly daiyndap jatyrmyz. Bul qalanyń ártúrli aýdandarynda koronavirýstyń taralý oshaqtaryn oqshaýlaýǵa kómektesedi», - deidi qalanyń bas sanitar dárigeri Sarhat Beisenova.
Qalanyń sanitar dárigeri sanitarlyq normalardy qatań saqtaý qajettigin, osy ǵana búkil aǵzanyń jumysyna teris áser etetin aýrýǵa qarsy panatseia sanalatynyn atap ótti.
«Koronavirýs adamnyń eń álsiz múshelerine áser etedi. Bul ásirese arteriialarda, tamyrlarda jáne ókpede qan uiyǵyshtardyń (tormb) paida bolýyna ákeledi. Sondyqtan óz densaýlyǵyńyzdy da, jaqyndaryńyz ben ainalańyzdaǵy adamdardyń densaýlyǵyn da oilaý kerek», - dedi Sarhat Beisenova.
