ەلوردا «سارى» مەن «قىزىل» ايماقتاردىڭ تٷيٸسكەن تۇسىنا كەلدٸ. قازٸرگٸ ۋاقىتتا «قىزىل» ايماققا ٶتٸپ كەتۋدٸڭ الدىندا تۇر. بۇل تۋرالى قالانىڭ باس سانيتار دەرٸگەرٸ سارحات بەيسەنوۆا مەلٸمدەدٸ, دەپ حابارلايدى "ۇلت اقپارات".
قالالىق ەكٸمدٸكتٸڭ مەلٸمەتٸنە سەنسەك, سوڭعى كٷندەرٸ COVID-19 ينفەكتسيياسىن جۇقتىرۋشىلار سانى 100 ادامنان اسىپ جىعىلاتىنى بەلگٸلٸ.
«بٸرٸنشٸ كەزەكتە, بۇل تەۋلٸگٸنە تاپسىرىلاتىن تەست سانىنىڭ ارتۋىنا بايلانىستى. ەگەر بۇرىن 2-2,5 مىڭ ادام تاپسىرسا, قازٸر تەۋلٸگٸنە 4,5 مىڭعا دەيٸن جەتەدٸ. سونىمەن قاتار, جاڭاجىلدىق مەرەكەلەردەن كەيٸن ينكۋباتسييالىق كەزەڭ ٶتەدٸ. ياعني, سانيتارلىق نورمالاردى ەلەمەگەن ادامدار بار. ەندٸ باعىتتى تٷزەپ, كوروناۆيرۋستىڭ تارالۋىن ازايتۋ كەرەك. بۇعان بٸزگە كارانتيندٸك شەكتەۋ شارالارى ايتارلىقتاي كٶمەكتەسەدٸ. قازٸر قوسىمشا كارانتيندٸك شارالار ەنگٸزۋ تۋرالى جاڭا قاۋلى دايىنداپ جاتىرمىز. بۇل قالانىڭ ەرتٷرلٸ اۋداندارىندا كوروناۆيرۋستىڭ تارالۋ وشاقتارىن وقشاۋلاۋعا كٶمەكتەسەدٸ», - دەيدٸ قالانىڭ باس سانيتار دەرٸگەرٸ سارحات بەيسەنوۆا.
قالانىڭ سانيتار دەرٸگەرٸ سانيتارلىق نورمالاردى قاتاڭ ساقتاۋ قاجەتتٸگٸن, وسى عانا بٷكٸل اعزانىڭ جۇمىسىنا تەرٸس ەسەر ەتەتٸن اۋرۋعا قارسى پاناتسەيا سانالاتىنىن اتاپ ٶتتٸ.
«كوروناۆيرۋس ادامنىڭ ەڭ ەلسٸز مٷشەلەرٸنە ەسەر ەتەدٸ. بۇل ەسٸرەسە ارتەرييالاردا, تامىرلاردا جەنە ٶكپەدە قان ۇيىعىشتاردىڭ (تورمب) پايدا بولۋىنا ەكەلەدٸ. سوندىقتان ٶز دەنساۋلىعىڭىزدى دا, جاقىندارىڭىز بەن اينالاڭىزداعى ادامداردىڭ دەنساۋلىعىن دا ويلاۋ كەرەك», - دەدٸ سارحات بەيسەنوۆا.
