Nursultan Nazarbaev halyqaralyq áýejaiynyń baspasóz qyzmeti 3 jeltoqsan kúni tirkelgen oqiǵanyń mán-jaiyn túsindirdi, dep habarlaidy "Ult aqparat".
«3 jeltoqsan kúni Nur-Sultan qalasynyń halyqaralyq áýejaiynda josparly oqý-jattyǵý barysynda qaýipsizdik bólimshesiniń qyzmetkeri qarýdy durys paidalanbai, abaisyzda oq atyp aldy. Oqiǵa saldarynan atalmysh qyzmettiń úsh adamy jaraqat aldy. Bireýi aýrýhanaǵa jatýdan bas tartty. Ekeýi orta dárejede jaraqat alǵan. Qazir olar Nur-Sultan qalasyndaǵy meditsinalyq uiymda em alyp jatyr», - dep habarlaidy áýejaidyń baspasóz qyzmetinen.
Qazirgi ýaqytta atalǵan oqiǵa boiynsha sotqa deiingi tergeý amaldary júrgizilýde. Is kóliktegi politsiia organynyń baqylaýynda.
Eske sala ketsek, buǵan deiin elordadaǵy Nursultan Nazarbaev halyqaralyq áýejaiynda oq atylǵany týraly aqparat tarap, ony kóliktegi politsiia departamentiniń baspasóz qyzmeti rastaǵan bolatyn.
