نۇرسۇلتان نازارباەۆ حالىقارالىق ەۋەجايىنىڭ باسپاسٶز قىزمەتٸ 3 جەلتوقسان كٷنٸ تٸركەلگەن وقيعانىڭ مەن-جايىن تٷسٸندٸردٸ, دەپ حابارلايدى "ۇلت اقپارات".
«3 جەلتوقسان كٷنٸ نۇر-سۇلتان قالاسىنىڭ حالىقارالىق ەۋەجايىندا جوسپارلى وقۋ-جاتتىعۋ بارىسىندا قاۋٸپسٸزدٸك بٶلٸمشەسٸنٸڭ قىزمەتكەرٸ قارۋدى دۇرىس پايدالانباي, ابايسىزدا وق اتىپ الدى. وقيعا سالدارىنان اتالمىش قىزمەتتٸڭ ٷش ادامى جاراقات الدى. بٸرەۋٸ اۋرۋحاناعا جاتۋدان باس تارتتى. ەكەۋٸ ورتا دەرەجەدە جاراقات العان. قازٸر ولار نۇر-سۇلتان قالاسىنداعى مەديتسينالىق ۇيىمدا ەم الىپ جاتىر», - دەپ حابارلايدى ەۋەجايدىڭ باسپاسٶز قىزمەتٸنەن.
قازٸرگٸ ۋاقىتتا اتالعان وقيعا بويىنشا سوتقا دەيٸنگٸ تەرگەۋ امالدارى جٷرگٸزٸلۋدە. ٸس كٶلٸكتەگٸ پوليتسييا ورگانىنىڭ باقىلاۋىندا.
ەسكە سالا كەتسەك, بۇعان دەيٸن ەلورداداعى نۇرسۇلتان نازارباەۆ حالىقارالىق ەۋەجايىندا وق اتىلعانى تۋرالى اقپارات تاراپ, ونى كٶلٸكتەگٸ پوليتسييا دەپارتامەنتٸنٸڭ باسپاسٶز قىزمەتٸ راستاعان بولاتىن.
