Nur-Sultan qalasy ákiminiń 2022-2026 jyldarǵa arnalǵan grantyna qosymsha 883,8 mln teńge bólinýi múmkin. Nur-Sultan qalasy bilim basqarmasy basshysynyń orynbasary Nariman Elamanov biýdjetti naqtylaý kezinde osyndai usynys aitty, dep habarlaidy QazAqparat.
«Qazirgi tańda bilim basqarmasynyń biýdjeti -149 mlrd teńge. Oǵan qosymsha 4,4 mlrd teńge bólingen bolatyn. Biz 22,2 mlrd teńge qajettigin aityp, ótinim berdik. Surap otyrǵan qosymsha qarajattyń negizgi somasy eńbekaqyǵa, dizel otyny men kommýnaldyq qyzmet qunynyń ósýine bailanysty kommýnaldyq qyzmetterge qajet. Sondai-aq, beinebaqylaý kameralaryna, materialdyq jabdyqtaýǵa qosymsha 3 mlrd teńge surap otyrmyz. Talai jyldan beri materialdyq jabdyqtarymyz jańartylǵan joq», - dedi basqarma ókili.
Sondai-aq, Nariman Elamanov vedomstvoǵa baǵynysty uiymdardyń keńse taýarlaryn satyp alýyna dep qosymsha 3 mlrd teńge surady.
Onyń ishinde tamaq ónimderin satyp alýǵa 1,5 mlrd teńge, dári – dármekterge 100 mln teńge, balalar jylyna arnalǵan sharalar ótkizýge 2 mlrd 200 mln teńge qajet ekenin aitty.
Al qala ákimniń 2022-2026 jyldarǵa arnalǵan grantyna 883,8 mln teńge suralyp otyr.
