نۇر-سۇلتان قالاسى ەكٸمٸنٸڭ 2022-2026 جىلدارعا ارنالعان گرانتىنا قوسىمشا 883,8 ملن تەڭگە بٶلٸنۋٸ مٷمكٸن. نۇر-سۇلتان قالاسى بٸلٸم باسقارماسى باسشىسىنىڭ ورىنباسارى ناريمان ەلامانوۆ بيۋدجەتتٸ ناقتىلاۋ كەزٸندە وسىنداي ۇسىنىس ايتتى, دەپ حابارلايدى قازاقپارات.
«قازٸرگٸ تاڭدا بٸلٸم باسقارماسىنىڭ بيۋدجەتٸ -149 ملرد تەڭگە. وعان قوسىمشا 4,4 ملرد تەڭگە بٶلٸنگەن بولاتىن. بٸز 22,2 ملرد تەڭگە قاجەتتٸگٸن ايتىپ, ٶتٸنٸم بەردٸك. سۇراپ وتىرعان قوسىمشا قاراجاتتىڭ نەگٸزگٸ سوماسى ەڭبەكاقىعا, ديزەل وتىنى مەن كوممۋنالدىق قىزمەت قۇنىنىڭ ٶسۋٸنە بايلانىستى كوممۋنالدىق قىزمەتتەرگە قاجەت. سونداي-اق, بەينەباقىلاۋ كامەرالارىنا, ماتەريالدىق جابدىقتاۋعا قوسىمشا 3 ملرد تەڭگە سۇراپ وتىرمىز. تالاي جىلدان بەرٸ ماتەريالدىق جابدىقتارىمىز جاڭارتىلعان جوق», - دەدٸ باسقارما ٶكٸلٸ.
سونداي-اق, ناريمان ەلامانوۆ ۆەدومستۆوعا باعىنىستى ۇيىمداردىڭ كەڭسە تاۋارلارىن ساتىپ الۋىنا دەپ قوسىمشا 3 ملرد تەڭگە سۇرادى.
ونىڭ ٸشٸندە تاماق ٶنٸمدەرٸن ساتىپ الۋعا 1,5 ملرد تەڭگە, دەرٸ – دەرمەكتەرگە 100 ملن تەڭگە, بالالار جىلىنا ارنالعان شارالار ٶتكٸزۋگە 2 ملرد 200 ملن تەڭگە قاجەت ەكەنٸن ايتتى.
ال قالا ەكٸمنٸڭ 2022-2026 جىلدارعا ارنالعان گرانتىنا 883,8 ملن تەڭگە سۇرالىپ وتىر.
