Túrkistan oblysyna arnaiy saparmen kelgen «Nur Otan» partiiasy Tóraǵasynyń Birinshi orynbasary Máýlen Áshimbaev partiia oblystyq filialynyń konferentsiiasyna qatysty. Konferentsiia jumysy qapiiada qaza tapqan dańqty sportshy, mánerlep syrǵanaýdan Sochi Olimpiadasynyń qola júldegeri, álem chempionaty, Aziia oiyndary siiaqty dúbirli dodalarda el namysyn abyroimen qorǵaǵan sport sheberi, «Nur Otan» partiiasynyń múshesi Denis Tendi eske alý úshin bir minýt únsizdikpen bastaldy.
Atalǵan jiynda partiia qyzmetin jańǵyrtý aiasynda qolǵa alynǵan jańa jobalar men Elbasy aldymyzǵa qoiǵan mindetterdiń óńirde júzege asyrylý barysy pysyqtaldy. Sondai-aq jańadan qurylǵan oblystaǵy partiia filialynyń tóraǵasy sailandy.
Konferentsiiada partiia Tóraǵasynyń Birinshi orynbasary Túrkistannyń tarihymyzda alar orny erekshe ekenine nazar aýdaryp, Elbasynyń óńirge úlken úmit artyp otyrǵanyn aitty.
– Túrkistan Elbasy saiasatynyń arqasynda damýdyń jańa kezeńine aiaq basyp otyr. Bul tarihi sheshim ata-babalarymyz bastap ketken irgeli istiń laiyqty jalǵasy jáne qalanyń ósip-órkendeýine oń áserin tigizetin mańyzdy qadam ekeni sózsiz. Osylaisha Memleket basshysy Túrkistannyń qaitadan túlep, jańǵyryp, el damýyna óz úlesin qosatyn ortalyqqa ainalýyna dańǵyl jol ashyp berdi, – dedi Máýlen Áshimbaev.
Jiyn barysynda konferentsiia delegattarynyń maquldaýymen oblys ákimi Janseiit Túimebaev «Nur Otan» partiiasy Túrkistan oblystyq filialynyń tóraǵasy bolyp sailandy. Máýlen Áshimbaev oblys ákiminiń bul qyzmetti de abyroimen atqaratynyna senim bildirip, tóraǵalyq kýáligin saltanatty jaǵdaida tapsyrdy.
– Túrkistan bolashaqta barsha túrki áleminiń naǵyz ortalyǵyna ainalyp, burynǵy ataq-dańqyn qaita iemdenedi dep senemiz. Qazirdiń ózinde kóptegen igi bastamalar qolǵa alynýda. Bolashaqta osy jumystardyń barlyǵyn Janseiit Qanseiituly tyńǵylyqty atqaratynyna eshqandai kúmánimiz joq, – dedi partiia Tóraǵasynyń Birinshi orynbasary.
Sondai-aq konferentsiiada partiia Saiasi Keńesiniń keńeitilgen otyrysynda Elbasy aiqyndap bergen jańa mindetterdi oryndaýdyń tiimdi tetikteri jan-jaqty talqylandy. Odan bólek, Memleket basshysy maquldaǵan jańa partiialyq jobalardy Túrkistan oblysynda tiimdi júzege asyrý barysy keńinen sóz boldy. Odan bólek, jiynda partiianyń Túrkistan oblystyq filialy Saiasi keńesiniń, tekserý-baqylaý komissiiasynyń jáne Saiasi keńes biýrosynyń quramy bekitildi.
Sonymen qatar partiia Tóraǵasynyń Birinshi orynbasary oblysqa sapary barysynda Qoja Ahmet Iassaýi kesenesine baryp, tarihi keshenniń barsha túrki álemi úshin mańyzy zor ekenin atap ótti.
.jpeg)