«Nur Otan» partiiasy Tóraǵasynyń Birinshi orynbasary Muhtar Qul-Muhammed Shyǵys Qazaqstan oblysyna sapary barysynda tamyry tereńge jaiylǵan tarihi-mádeni oryndarǵa bardy. Atap aitqanda, Abai aýdanynda ornalasqan kóne túrik dáýirine jatatyn Qońyr áýlie úńgiri men Tarbaǵatai aýdanyndaǵy Yrǵyzbai ata kesenesinde boldy. Bul eki nysan da oblystaǵy kieli jerler kartasyna engizilgen.
Jalpy Shyǵys Qazaqstan oblysynda «Rýhani jańǵyrý» baǵdarlamasyn júzege asyrý úshin arnaiy keshendi jospar daiyndalyp, oǵan ártúrli 61 joba engizilgen. Olardyń qatarynda mýzei salý, kieli jerlerdegi infraqurylymdy damytý, arheologiialyq qazba jumystaryn júrgizý, kóne jádigerlerdi izdeý siiaqty kóptegen igi ister bar. Bul jumystarǵa 28 mlrd. teńgeden astam qarajat bólinbek.
Óńirdegi osy baǵytta atqarylyp jatqan jumystarmen tanysqan Muhtar Qul-Muhammed oblys ákimi Danial Ahmetovpen birge keibir kieli oryndarǵa bardy. Sonyń biri Qońyr áýlie úńgiri el arasynda tarihi ańyzdarymen jáne emdik qasietke ie sýymen belgili.
«Elbasymyz árdaiym ultymyzdyń uly aqyny Abai murasyn qadirlep, barsha halyqty onyń óleńderi men qara sózderinen ónege alýǵa shaqyryp keledi. Prezidentimiz usynǵan «Rýhani jańǵyrý» baǵdarlamasy da Abai atamyzdyń búkil álemdegi oqý, bilim, mádeniettiń eń ozyq úlgilerinen úirený jónindegi ósietterimen ózektes. Endeshe uly oishyldyń izi qalǵan Qońyr áýlie úńgiri siiaqty mekender biz úshin naǵyz kieli jer bolýǵa tiis. Týǵan jerge taǵzym osyndai qasietti oryndardy qadirlep, qasterleýden bastalady.
Búginde Shyǵys Qazaqstan oblysynda «Rýhani jańǵyrý» baǵdarlamasy boiynsha jumystar júieli túrde júrgizilýde. Sonyń nátijesinde kóptegen tarihi eskertkishter kúrdeli jóndeýden ótkizilip, halyqtyń taǵzym etetin, otandyq jáne sheteldik týristerdiń jii keletin, qazaq tarihynan syr shertetin kieli oryndarǵa ainalyp otyr. Osyndai igi isterdi Elbasymyzdyń halqyna tartý etken tamasha syiy dep qabyldaýymyz kerek», – dedi Muhtar Qul-Muhammed.
Sonymen qatar, partiia Tóraǵasynyń Birinshi orynbasary Tarbaǵatai aýdanyndaǵy kieli jerlerdiń biri Yrǵyzbai ata kesenesinde boldy. Bul kesene HIH ǵasyrdyń orta tusynda salynǵan dini arhitektýralyq eskertkish. Yrǵyzbai Dosqanauly zamanynda qazaq dalasyndaǵy dárilik shópterdiń qasietteri men Keshende keseneden bólek, meshit, mýzei jáne eki myńnan astam kitap qory saqtalǵan kitaphana jumys isteidi.
