«Nur Otan» partiiasynyń hatshysy Arman Qyryqbaevtyń jáne erekshe qajettilikteri bar adamdardy qoldaý máselelerimen ainalysatyn jurtshylyq ókilderiniń qatysýymen «Nur Otan» partiiasynyń praimerizine arnalǵan kezekti ZOOM-konferentsiiasy ótti, dep habarlaidy "Ult aqparat".
Qatysýshylar arasynda praimerizge úmitkerler – múmkindigi shekteýli azamattar bar. Olar úlken erik-jigerdiń, ómirlik belsendiliktiń, jumys isteý jáne qoǵamǵa paidaly bolýdyń úlgisin pash etip keledi.
Konferentsiiany «Almaty qalasy múgedekter uiymdarynyń qaýymdastyǵy» zańdy tulǵalar birletiginiń tóraiymy Lázzat Qaltaeva júrgizdi.
«Jergilikti jerler bolsyn, ortalyq bolsyn, kúndelikti ómirde, ártúrli problemalarǵa tap bolǵan jáne olardy jeńip shyqqan, ómirlik ustanymy bar azamattar depýtattar arasynda neǵurlym kóp bolsa, sheshim qabyldaý retsepterin biletin bolady. Bul bizdiń elimiz úshin paidaly bolatynyna senimdimin», - dedi Arman Qyryqbaev.
Onyń aitýynsha, praimeriz – úlken múmkindik, sondyqtan bul suraqqa baiyppen qaraý kerek.
«Nur Otan» partiiasy erekshe qajettilikteri bar adamdardyń ómir súrý sapasyn arttyrý máselelerine árqashan kóńil bóledi. Óitkeni, partiianyń eń joǵary qundylyqtary – adam jáne onyń quqyqtary men bostandyqtary, bul Saiasi doktrinada kórsetilgen.
2014 jylǵy 17 qańtarda QR Tuńǵysh Prezidenti, partiia Tóraǵasy N.Á. Nazarbaev «Qazaqstan joly – 2050» atty Qazaqstan halqyna jyl saiynǵy Joldaýynda «Nur Otan» partiiasyna múmkindigi shekteýli adamdardyń ómir súrý sapasyn arttyrý boiynsha jumysqa jetekshilik etýdi tapsyrdy. Sol jyly «Kedergisiz keleshek» jobasy iske qosyldy.
«Teń múmkindikter álemi» múgedek balalardyń ata-analar qoǵamy» QB basshysy Nurgúl Uljekova onlain-konferentsiia barysynda erekshe adamdardyń ómirin ózgertý múmkindigin praimerizden kóretinin atap aitty.
«Meniń partiiaǵa degen senimim «Kedergisiz keleshek» partiialyq jobasynyń jemisti júzege asyrylýy barysynda arta tústi. Óz balama ǵana emes, erekshe qalaýlary bar myńdaǵan balalarǵa kómektesýge degen analyq ynta-jigerim sońǵy 4 jylda inkliýzivti sporttyq sektsiialardy tegin ótkizýime sebep boldy. Búgingi tańda bizdiń sektsiiada múgedektiktiń túrli formasyndaǵy 150 bala bar, taǵy 200-ge jýyǵy kezekte tur. Sebebi olardy qarapaiym sporttyq sektsiialar qabyldamaidy. Bul júieli problemaǵa ainalǵan. Praimeriz arqyly men osy problemaǵa nazar aýdartyp, vedomstvoaralyq ózara is-qimyldyń daiyn algoritmin jáne múgedektigi bar adamdar arasynda buqaralyq sportty damytýǵa, sondai-aq inkliýzivti bilim berý men áleýmettik qorǵaýǵa qatysty normativtik-quqyqtyq aktilerge birqatar tolyqtyrýlardy usynǵym keldi», - dedi ol.
Nurgúl Uljekovanyń aitýynsha, praimerizge qatysý – el úshin odan da kóp paida ákelýdiń zor múmkindigi.
«Biz de adambyz» QB tóraiymy Gúlnaz Qosmurzieva onlain-konferentsiia barysynda halyqtyń áleýmettik osal toptarynyń múddelerin qoldaý múmkindigin praimerizden kórip otyrǵanyn aitty.
«14 jyldan astam ýaqyt boiy men múgedekter arbasyn paidalanamyn, soǵan qaramastan, barynsha ómir súrýge jáne qalamyzdyń máselelerin sheshýge belsendi qatysýǵa tyrysyp júrmin. Men halyqtyń áleýmettik osal toptarynyń múddelerin qoldaý úshin praimerizge qatysamyn. Ekinshi jaǵynan, árqaisymyz jaýapkershilikti moinymyzǵa alyp, masyldyqpen kúrese bilýimiz kerek. Biz, múgedektigi bar adamdar, qoǵamǵa paidaly bola alatynymyzdy kórsetýimiz qajet. Muny men óz mysalymda kórsetkim keledi», - dedi Gúlnaz Qosmurzieva.
Shymkent qalasynyń turǵyny, «Bala times» balalar týraly aqparattyq portalynyń bas redaktory Janel Jumalinova «Nur Otan» partiiasynyń praimerizine qatysatynyn málimdedi.
«Meniń baǵdarlamam «Inkliýzivti eriktilik arqyly inkliýzivti qoǵam qurý» dep atalady. Ol bizdiń balalarymyzdyń Qazaqstannyń tolyqqandy azamattary bolýy úshin ómirdiń barlyq salalaryn qamtidy. Biraq men osyndai ata-analardyń turǵyn úi máselesine qatysty suraqtarǵa toqtalǵym keledi. Osydan eki ai buryn, múgedektigi bar balalardy tárbielep otyrǵan otbasylardyń turǵyn úige qol jetimdiligi boiynsha zertteý júrgizdim. Nátijesinde 2 237 adam qatysty. Ókinishke orai, qatysqan respondentterdiń 81%-nyń baspanasy joq. Mundai otbasylardyń 60%-y turǵyn úidi jalǵa alady, al 25%-y týystarymen turady. Osyǵan bailanysty neni ózgertkim keledi jáne usynǵym keledi? Eger Shymkent qalalyq máslihatynyń depýtaty bolsam, birinshi kezekte óńirlik baǵdarlama daiyndaǵym keledi», - dedi Janel Jumalinova.
Onlain kezdesý barysynda eki jas jigit praimerizge qatysatynyn málimdedi. Qaraǵandy qalasynyń turǵyny, «Qamqor plus» múgedekter qoǵamdyq birlestiginiń tóraǵasy Niiaz Súndetaliev «Nur Otan» partiiasynyń praimerizine qatysý týraly óz sheshimin ZOOM-konferentsiia barysynda jariia etti.
«Men áriptesterim men partiialastarymnyń qoldaýyna súiene otyryp, praimerizge qatysamyn dep sheshim qabyldadym», – dedi Niiaz Súndetaliev.
Aqtóbe qalasynyń turǵyny, «Pandýs-OK» JShS negizin qalaýshy jáne basshysy Shahan Joldasbaev «Nur Otan» partiiasynyń praimerizine qatysatynyn habarlady.
«Ózgeristi ózimizden bastaý kerek» – dál osyndai uranmen «Nur Otan» partiiasynyń praimerizine qatysamyn», - dedi ol.
Aqmola oblysy Býrabai aýdanynyń depýtaty Qanat Baibýrov praimeriz múgedek adamdardyń problemalaryn jańa deńgeige shyǵarýǵa múmkindik beretinin málimdedi.
«Depýtattyq korpýsta biz siiaqty jigitter bolǵanyn qalaimyn. Men aýdandyq depýtattyq korpýsqa ekinshi merzim sailandym. Kóptegen suraqtardy ishtei zerttedim, kóptegen quraldardy usyndym. Men úshin praimeriz múgedektigi bar adamdardyń máselelerin neǵurlym keń aýqymda – oblystyq deńgeige shyǵarýdyń biregei múmkindigi bolǵanyn qalaimyn. Bizdiń depýtattyq korpýsqa qatysýymyz múmkin emes eshteńe joq ekenin kórsetedi. Muny ári qarai da óz qyzmetimdi oblys kóleminde jalǵastyrǵym keledi», - dedi Q. Baibýrov.
Esterińizge sala keteiik, buǵan deiin Elbasy, Partiia Kóshbasshysy Nursultan Nazarbaev óziniń viedoúndeýinde Nur Otan-nyń jaqtastaryn jáne partiialastardy elimiz úshin mańyzdy saiasi oqiǵaǵa belsene qatysýǵa shaqyrdy.
17 tamyzda elimizdiń barlyq aimaqtarynda «Nur Otan» partiiasynyń praimerizderine kandidattardy usyný jáne tirkeý bastaldy. Qazirgi ýaqytta alty myńnan astam adam partiiaishilik irikteýge qatysýǵa niet bildirdi.
Úgit-nasihatqa daiyndalý úshin kandidattarǵa 31 tamyzdan 6 qyrkúiekke deiin 7 kún bólinedi.
7 qyrkúiek pen 3 qazan aralyǵynda kandidattardyń úgit-nasihat jumystary, sonyń ishinde 14-30 qyrkúiek aralyǵynda kópshilikke jariia debattar ótedi. Debattar «Praimeriz» arnaiy aqparattyq júiesi arqyly partiianyń resmi akkaýnttarynda kórsetiledi.
