«Nur Otan» پارتيياسىنىڭ حاتشىسى ارمان قىرىقباەۆتىڭ جەنە ەرەكشە قاجەتتٸلٸكتەرٸ بار ادامداردى قولداۋ مەسەلەلەرٸمەن اينالىساتىن جۇرتشىلىق ٶكٸلدەرٸنٸڭ قاتىسۋىمەن «Nur Otan» پارتيياسىنىڭ پرايمەريزٸنە ارنالعان كەزەكتٸ ZOOM-كونفەرەنتسيياسى ٶتتٸ, دەپ حابارلايدى "ۇلت اقپارات".
قاتىسۋشىلار اراسىندا پرايمەريزگە ٷمٸتكەرلەر – مٷمكٸندٸگٸ شەكتەۋلٸ ازاماتتار بار. ولار ٷلكەن ەرٸك-جٸگەردٸڭ, ٶمٸرلٸك بەلسەندٸلٸكتٸڭ, جۇمىس ٸستەۋ جەنە قوعامعا پايدالى بولۋدىڭ ٷلگٸسٸن پاش ەتٸپ كەلەدٸ.
كونفەرەنتسييانى «الماتى قالاسى مٷگەدەكتەر ۇيىمدارىنىڭ قاۋىمداستىعى» زاڭدى تۇلعالار بٸرلەتٸگٸنٸڭ تٶرايىمى لەززات قالتاەۆا جٷرگٸزدٸ.
«جەرگٸلٸكتٸ جەرلەر بولسىن, ورتالىق بولسىن, كٷندەلٸكتٸ ٶمٸردە, ەرتٷرلٸ پروبلەمالارعا تاپ بولعان جەنە ولاردى جەڭٸپ شىققان, ٶمٸرلٸك ۇستانىمى بار ازاماتتار دەپۋتاتتار اراسىندا نەعۇرلىم كٶپ بولسا, شەشٸم قابىلداۋ رەتسەپتەرٸن بٸلەتٸن بولادى. بۇل بٸزدٸڭ ەلٸمٸز ٷشٸن پايدالى بولاتىنىنا سەنٸمدٸمٸن», - دەدٸ ارمان قىرىقباەۆ.
ونىڭ ايتۋىنشا, پرايمەريز – ٷلكەن مٷمكٸندٸك, سوندىقتان بۇل سۇراققا بايىپپەن قاراۋ كەرەك.
«Nur Otan» پارتيياسى ەرەكشە قاجەتتٸلٸكتەرٸ بار ادامداردىڭ ٶمٸر سٷرۋ ساپاسىن ارتتىرۋ مەسەلەلەرٸنە ەرقاشان كٶڭٸل بٶلەدٸ. ٶيتكەنٸ, پارتييانىڭ ەڭ جوعارى قۇندىلىقتارى – ادام جەنە ونىڭ قۇقىقتارى مەن بوستاندىقتارى, بۇل ساياسي دوكترينادا كٶرسەتٸلگەن.
2014 جىلعى 17 قاڭتاردا قر تۇڭعىش پرەزيدەنتٸ, پارتييا تٶراعاسى ن.ە. نازارباەۆ «قازاقستان جولى – 2050» اتتى قازاقستان حالقىنا جىل سايىنعى جولداۋىندا «Nur Otan» پارتيياسىنا مٷمكٸندٸگٸ شەكتەۋلٸ ادامداردىڭ ٶمٸر سٷرۋ ساپاسىن ارتتىرۋ بويىنشا جۇمىسقا جەتەكشٸلٸك ەتۋدٸ تاپسىردى. سول جىلى «كەدەرگٸسٸز كەلەشەك» جوباسى ٸسكە قوسىلدى.
«تەڭ مٷمكٸندٸكتەر ەلەمٸ» مٷگەدەك بالالاردىڭ اتا-انالار قوعامى» قب باسشىسى نۇرگٷل ۇلجەكوۆا ونلاين-كونفەرەنتسييا بارىسىندا ەرەكشە ادامداردىڭ ٶمٸرٸن ٶزگەرتۋ مٷمكٸندٸگٸن پرايمەريزدەن كٶرەتٸنٸن اتاپ ايتتى.
«مەنٸڭ پارتيياعا دەگەن سەنٸمٸم «كەدەرگٸسٸز كەلەشەك» پارتييالىق جوباسىنىڭ جەمٸستٸ جٷزەگە اسىرىلۋى بارىسىندا ارتا تٷستٸ. ٶز بالاما عانا ەمەس, ەرەكشە قالاۋلارى بار مىڭداعان بالالارعا كٶمەكتەسۋگە دەگەن انالىق ىنتا-جٸگەرٸم سوڭعى 4 جىلدا ينكليۋزيۆتٸ سپورتتىق سەكتسييالاردى تەگٸن ٶتكٸزۋٸمە سەبەپ بولدى. بٷگٸنگٸ تاڭدا بٸزدٸڭ سەكتسييادا مٷگەدەكتٸكتٸڭ تٷرلٸ فورماسىنداعى 150 بالا بار, تاعى 200-گە جۋىعى كەزەكتە تۇر. سەبەبٸ ولاردى قاراپايىم سپورتتىق سەكتسييالار قابىلدامايدى. بۇل جٷيەلٸ پروبلەماعا اينالعان. پرايمەريز ارقىلى مەن وسى پروبلەماعا نازار اۋدارتىپ, ۆەدومستۆوارالىق ٶزارا ٸس-قيمىلدىڭ دايىن الگوريتمٸن جەنە مٷگەدەكتٸگٸ بار ادامدار اراسىندا بۇقارالىق سپورتتى دامىتۋعا, سونداي-اق ينكليۋزيۆتٸ بٸلٸم بەرۋ مەن ەلەۋمەتتٸك قورعاۋعا قاتىستى نورماتيۆتٸك-قۇقىقتىق اكتٸلەرگە بٸرقاتار تولىقتىرۋلاردى ۇسىنعىم كەلدٸ», - دەدٸ ول.
نۇرگٷل ۇلجەكوۆانىڭ ايتۋىنشا, پرايمەريزگە قاتىسۋ – ەل ٷشٸن ودان دا كٶپ پايدا ەكەلۋدٸڭ زور مٷمكٸندٸگٸ.
«بٸز دە ادامبىز» قب تٶرايىمى گٷلناز قوسمۇرزيەۆا ونلاين-كونفەرەنتسييا بارىسىندا حالىقتىڭ ەلەۋمەتتٸك وسال توپتارىنىڭ مٷددەلەرٸن قولداۋ مٷمكٸندٸگٸن پرايمەريزدەن كٶرٸپ وتىرعانىن ايتتى.
«14 جىلدان استام ۋاقىت بويى مەن مٷگەدەكتەر ارباسىن پايدالانامىن, سوعان قاراماستان, بارىنشا ٶمٸر سٷرۋگە جەنە قالامىزدىڭ مەسەلەلەرٸن شەشۋگە بەلسەندٸ قاتىسۋعا تىرىسىپ جٷرمٸن. مەن حالىقتىڭ ەلەۋمەتتٸك وسال توپتارىنىڭ مٷددەلەرٸن قولداۋ ٷشٸن پرايمەريزگە قاتىسامىن. ەكٸنشٸ جاعىنان, ەرقايسىمىز جاۋاپكەرشٸلٸكتٸ موينىمىزعا الىپ, ماسىلدىقپەن كٷرەسە بٸلۋٸمٸز كەرەك. بٸز, مٷگەدەكتٸگٸ بار ادامدار, قوعامعا پايدالى بولا الاتىنىمىزدى كٶرسەتۋٸمٸز قاجەت. مۇنى مەن ٶز مىسالىمدا كٶرسەتكٸم كەلەدٸ», - دەدٸ گٷلناز قوسمۇرزيەۆا.
شىمكەنت قالاسىنىڭ تۇرعىنى, «Bala times» بالالار تۋرالى اقپاراتتىق پورتالىنىڭ باس رەداكتورى جانەل جۇمالينوۆا «Nur Otan» پارتيياسىنىڭ پرايمەريزٸنە قاتىساتىنىن مەلٸمدەدٸ.
«مەنٸڭ باعدارلامام «ينكليۋزيۆتٸ ەرٸكتٸلٸك ارقىلى ينكليۋزيۆتٸ قوعام قۇرۋ» دەپ اتالادى. ول بٸزدٸڭ بالالارىمىزدىڭ قازاقستاننىڭ تولىققاندى ازاماتتارى بولۋى ٷشٸن ٶمٸردٸڭ بارلىق سالالارىن قامتيدى. بٸراق مەن وسىنداي اتا-انالاردىڭ تۇرعىن ٷي مەسەلەسٸنە قاتىستى سۇراقتارعا توقتالعىم كەلەدٸ. وسىدان ەكٸ اي بۇرىن, مٷگەدەكتٸگٸ بار بالالاردى تەربيەلەپ وتىرعان وتباسىلاردىڭ تۇرعىن ٷيگە قول جەتٸمدٸلٸگٸ بويىنشا زەرتتەۋ جٷرگٸزدٸم. نەتيجەسٸندە 2 237 ادام قاتىستى. ٶكٸنٸشكە وراي, قاتىسقان رەسپوندەنتتەردٸڭ 81%-نىڭ باسپاناسى جوق. مۇنداي وتباسىلاردىڭ 60%-ى تۇرعىن ٷيدٸ جالعا الادى, ال 25%-ى تۋىستارىمەن تۇرادى. وسىعان بايلانىستى نەنٸ ٶزگەرتكٸم كەلەدٸ جەنە ۇسىنعىم كەلەدٸ? ەگەر شىمكەنت قالالىق مەسليحاتىنىڭ دەپۋتاتى بولسام, بٸرٸنشٸ كەزەكتە ٶڭٸرلٸك باعدارلاما دايىنداعىم كەلەدٸ», - دەدٸ جانەل جۇمالينوۆا.
ونلاين كەزدەسۋ بارىسىندا ەكٸ جاس جٸگٸت پرايمەريزگە قاتىساتىنىن مەلٸمدەدٸ. قاراعاندى قالاسىنىڭ تۇرعىنى, «Qamqor plus» مٷگەدەكتەر قوعامدىق بٸرلەستٸگٸنٸڭ تٶراعاسى نيياز سٷندەتاليەۆ «Nur Otan» پارتيياسىنىڭ پرايمەريزٸنە قاتىسۋ تۋرالى ٶز شەشٸمٸن ZOOM-كونفەرەنتسييا بارىسىندا جارييا ەتتٸ.
«مەن ەرٸپتەستەرٸم مەن پارتييالاستارىمنىڭ قولداۋىنا سٷيەنە وتىرىپ, پرايمەريزگە قاتىسامىن دەپ شەشٸم قابىلدادىم», – دەدٸ نيياز سٷندەتاليەۆ.
اقتٶبە قالاسىنىڭ تۇرعىنى, «پاندۋس-وك» جشس نەگٸزٸن قالاۋشى جەنە باسشىسى شاحان جولداسباەۆ «Nur Otan» پارتيياسىنىڭ پرايمەريزٸنە قاتىساتىنىن حابارلادى.
«ٶزگەرٸستٸ ٶزٸمٸزدەن باستاۋ كەرەك» – دەل وسىنداي ۇرانمەن «Nur Otan» پارتيياسىنىڭ پرايمەريزٸنە قاتىسامىن», - دەدٸ ول.
اقمولا وبلىسى بۋراباي اۋدانىنىڭ دەپۋتاتى قانات بايبۋروۆ پرايمەريز مٷگەدەك ادامداردىڭ پروبلەمالارىن جاڭا دەڭگەيگە شىعارۋعا مٷمكٸندٸك بەرەتٸنٸن مەلٸمدەدٸ.
«دەپۋتاتتىق كورپۋستا بٸز سيياقتى جٸگٸتتەر بولعانىن قالايمىن. مەن اۋداندىق دەپۋتاتتىق كورپۋسقا ەكٸنشٸ مەرزٸم سايلاندىم. كٶپتەگەن سۇراقتاردى ٸشتەي زەرتتەدٸم, كٶپتەگەن قۇرالداردى ۇسىندىم. مەن ٷشٸن پرايمەريز مٷگەدەكتٸگٸ بار ادامداردىڭ مەسەلەلەرٸن نەعۇرلىم كەڭ اۋقىمدا – وبلىستىق دەڭگەيگە شىعارۋدىڭ بٸرەگەي مٷمكٸندٸگٸ بولعانىن قالايمىن. بٸزدٸڭ دەپۋتاتتىق كورپۋسقا قاتىسۋىمىز مٷمكٸن ەمەس ەشتەڭە جوق ەكەنٸن كٶرسەتەدٸ. مۇنى ەرٸ قاراي دا ٶز قىزمەتٸمدٸ وبلىس كٶلەمٸندە جالعاستىرعىم كەلەدٸ», - دەدٸ ق. بايبۋروۆ.
ەستەرٸڭٸزگە سالا كەتەيٸك, بۇعان دەيٸن ەلباسى, پارتييا كٶشباسشىسى نۇرسۇلتان نازارباەۆ ٶزٸنٸڭ ۆيەدوٷندەۋٸندە Nur Otan-نىڭ جاقتاستارىن جەنە پارتييالاستاردى ەلٸمٸز ٷشٸن ماڭىزدى ساياسي وقيعاعا بەلسەنە قاتىسۋعا شاقىردى.
17 تامىزدا ەلٸمٸزدٸڭ بارلىق ايماقتارىندا «Nur Otan» پارتيياسىنىڭ پرايمەريزدەرٸنە كانديداتتاردى ۇسىنۋ جەنە تٸركەۋ باستالدى. قازٸرگٸ ۋاقىتتا التى مىڭنان استام ادام پارتيياٸشٸلٸك ٸرٸكتەۋگە قاتىسۋعا نيەت بٸلدٸردٸ.
ٷگٸت-ناسيحاتقا دايىندالۋ ٷشٸن كانديداتتارعا 31 تامىزدان 6 قىركٷيەككە دەيٸن 7 كٷن بٶلٸنەدٸ.
7 قىركٷيەك پەن 3 قازان ارالىعىندا كانديداتتاردىڭ ٷگٸت-ناسيحات جۇمىستارى, سونىڭ ٸشٸندە 14-30 قىركٷيەك ارالىعىندا كٶپشٸلٸككە جارييا دەباتتار ٶتەدٸ. دەباتتار «پرايمەريز» ارنايى اقپاراتتىق جٷيەسٸ ارقىلى پارتييانىڭ رەسمي اككاۋنتتارىندا كٶرسەتٸلەدٸ.
