Búgin Úkimet otyrysynda QR Premer-Ministri Asqar Mamin «Nur Otan» partiiasynyń sailaýaldy baǵdarlamasyn iske asyrý jónindegi shtab qurýdy tapsyrdy, dep habarlaidy QazAqparat.
«Biylǵy 12 aqpanda Májiliste «Nur Otan» partiiasy fraktsiiasynyń otyrysynda partiianyń «Ózgerister joly: Árkimge laiyqty ómir!» atty sailaýaldy baǵdarlamasyn iske asyrý jónindegi jol kartasynyń jobasy qaraldy. Álihan Ashanuly, Sizge eki kún merzimde partiianyń sailaýaldy baǵdarlamasyn iske asyrý jónindegi shtab quryp, onyń otyrystaryn apta saiyn ótkizip turýdy tapsyrmamyn. Jol kartasynyń iske asyrylý barysyn ózim baqylap, shtab otyrystaryn ai saiyn júrgizetin bolamyn», - dedi Asqar Mamin birinshi orynbasary Álihan Smaiylovqa qarata.
Úkimet basshysy aptanyń sońyna deiin ortalyq jáne jergilikti memlekettik organdar keminde birinshi basshylardyń orynbasarlary jetekshilik etetin jobalaý toptaryn qurý qajettigin tapsyrdy.
«Ulttyq ekonomika ministrligi shtabtyń jumys organy retinde biylǵy 1 naýryzǵa deiin Jol kartasy kórsetkishteriniń tsifrlyq kartasyn ázirlesin. Jol kartasynyń ár is-sharasyna birinshi basshylardyń orynbasarlarynan kem emes deńgeide jaýapty tulǵalar bekitilýi tiis. Parlamentpen naqty jáne úilestirilgen jumys júrgizý kerek. «Nur Otan» partiiasynyń sailaýaldy baǵdarlamasyn tolyqqandy jáne tiimdi iske asyrý boiynsha barlyq sharalardy qabyldaýymyz kerek. Bul ár memlekettik organ jumysynyń basty kriteriii bolady», - dedi Premer-Ministr.
.jpeg)