Májilistegi «Nur Otan» partiiasy parlamenttik fraktsiiasynyń keńeitilgen otyrysynda palata spikeri Nurlan Nyǵmatýlin partiiasynyń sailaý baǵdarlamasyn júzege asyrýǵa jaýaptylardy atady, dep habarlaidy QazAqparat.
«Jol kartasy partiiamyzdyń sailaýaldy baǵdarlamasynyń maqsattaryna qol jetkizýdiń naqty joldaryn qamtidy. Bul jerde halyqtyń barlyq sanatynyń múddesi eskerilgen. Kishisinen bastap úlkenine deiin barlyǵy qamtylyp otyr. Bul – áleýmetitk qamsyzdandyrý, densaýlyq saqtaý, bilim berý, ónerkásip, ShOB. Olardyń barlyǵynda naqty qadamdar júzege asyrylyp, balalar men áielderge de nazar aýdarylǵan. Jol kartasynń árbir tarmaǵynyń oryndalýyna qatań baqylaý qajet», - dedi Nurlan Nyǵmatýlin.
Osy rette Májilis spikeri bul el basshylyǵynyń tapsyrmasy ekendigin basa aitty.
«Biz osynaý Jol kartasynyń oryndalýyna monitoring pen baqylaýǵa, úilestirý men baqylaýǵa basymdyq jasaýymyz qajet. Eń aldymen úsh taraptan úilestirýshiler aiqyndalǵan. Úkimet tarapynan – Premer-Ministrdiń birinshi orynbasary Álihan Smaiylov, bizdiń fraktsiia tarapynan – Májilis tóraǵasynyń orynbasary, fraktsiia jetekshisiniń orynbasary – Pavel Kazantsev, ortalyq apparat tarapynan – partiia hatshysy Marat Sembekov. Buǵan qosa, baqylaý deńgeiler de naqty bólingen. Oryndalýynyń qazirgi mártebesine turaqty baqylaý bolady. Iaǵni, árbir kezekti jyldyń basynda, demek aqpanda. Sailaýaldy mindettemelerdiń oryndalýy boiynsha ótken jyldyń qorytyndysy shyǵarylyp otyrady. Ár jyldyń aqpanynda, statistikany alǵannan keiin ony fraktsiia jiynynda qarap, ótken jyldaǵy sailaýaldy baǵdarlamanyń oryndalýyn talqylaimyz. Partiiamyzdyń kóshbasshysyna, jalpy Qazaqstan halqyna qandai nátijelerge qol jetkizilgendigi, qandai táýekelder týyndaǵany jaiynda esep beremiz», - dedi Nurlan Nyǵmatýlin.
.jpeg)