Búgin, iaǵni 17 tamyz kúni Nur Otan partiiasy praimerizine irikteý bastaldy.
Praimerizge qatysýǵa Qazaqstan boiynsha 16897 qyzyǵýshylyq tanytqan.
5 shilde men 11 tamyz aralyǵynda partiianyń qoǵamdyq qabyldaýyna praimerizge qatysty 16 894 suraq kelip túsken.
Partiianyń óńirlik filialdary boiynsha Túrkistan (1494), Qaraǵandy o (1475), Almaty oblysyndarynda (1424) kóp suraq tirkelgen.
Negizgi suraqtar 8276 (49%) praimerizdiń maqsat-mindeti týraly bolsa, 4134 suraq (24,4%) kandidattardy tirkeý boiynsha qoiylǵan. Al, 1114 suraq (6,7%) daýys berý tártibi týrasynda joldanǵan eken.
Sondai-aq onyń ishinde ortalyq apparatqa 162 suraq áleýmettik jeli arqyly (WhatsApp – 97, Call-tsentr – 58, Instagram – 7) túsken. Atap aitqanda, Nur-Sultan qalasynan (65), Almaty (37), Pavlodar (11), Qaraǵandy (7), Shyǵys Qazaqstan (5), Qyzylorda (5), Aqtóbe (4), Mańǵystaý (3), Túrkistan (3), Batys Qazaqstan oblystary (2), sondai-aq Jambyl jáne Aqtóbe oblystarynan bir-birden suraq kelgen.
Aita ketsek, kandidattardy usyný jáne tirkeý 17 tamyzdan bastalyp 28 tamyzǵa deiin jalǵasady. Úmitkerlerdiń úgit jumystaryna daiyndalýy 31 tamyz ben 6 qyrkúiek aralyǵynda ótedi.
Praimeriz – Qazaqstan Respýblikasy Parlamentiniń Májilisine jáne barlyq deńgeidegi máslihattarǵa depýtattyqqa, partiianyń, filialdarynyń organdaryna kandidattardy usynýǵa jáne memlekettik organdardaǵy laýazymdarǵa usynym jasaýǵa arnalǵan partiialyq tizimderge odan ári engizý úshin aldyn ala partiiaishilik irikteý.
Negizgi maqsat – Parlament Májilisindegi jáne barlyq deńgeidegi máslihattardaǵy tiimdi depýtattyq korpýsty odan ári qalyptastyrý, partiialyq jeli boiynsha ilgeriletý, memlekettik organdardaǵy laýazymdarǵa usyný úshin básekelestik kúres negizinde naqty jáne myqty kóshbasshylardy anyqtaý.
.jpeg)