«Nur Otan» partiiasynyń Qoǵamdyq saiasat institýtynyń direktory bolyp Mádina Nurǵalieva taǵaiyndaldy, dep habarlaidy "Ult aqparat".
Partiia Tóraǵasynyń birinshi orynbasary Baýyrjan Baibek jańa basshylyq aldyna birqatar mańyzdy mindetter qoidy. Sonyń ishinde áleýmettik-saiasi kún tártibine sáikes áleýmettik zertteýler júrgizýge qatysty naqty tapsyrmalar berdi.
Onyń aitýynsha, naqty toptarǵa baǵyttalǵan jekelegen jáne sapaly zertteýler júrgizý qajet. Olar partiianyń Sailaýaldy baǵdarlamasyn iske asyrý boiynsha jumystyń qanshalyqty sapaly júrgizilip jatqanyn, indikatorlar men kórsetkishterge qanshalyqty qol jetkizilgenin, jergilikti jerlerdegi halyq sailaýaldy baǵdarlamalardy iske asyrýdyń paidasyn kórip jatyr ma degen siiaqty jáne t. b. naqty suraqtarǵa jaýap berýi tiis.
Mádina Nurǵalieva ár jyldary Bilim ministrligi Ǵylym komitetiniń Filosofiia jáne saiasattaný institýtynda ǵylymi qyzmetker, Saiasi sheshimder institýtynda saraptamalyq-qoldanbaly bólimniń basshysy, áleýmettik-saiasi zertteýler bóliminiń meńgerýshisi, bas ǵylymi qyzmetker, Qazaqstan Respýblikasy Prezidenti janyndaǵy Qazaqstan strategiialyq zertteýler institýtynda direktordyń orynbasary bolyp jumys istedi.
Osy taǵaiyndaýǵa deiin ol QSZI Áleýmettik zertteýler bóliminiń basshysy bolǵan.
Saiasi ǵylymdar kandidaty. 2003 jyly Ál-Farabi atyndaǵy Qazaq ulttyq ýniversitetin «Saiasattaný» mamandyǵy boiynsha, 2008 jyly Bilim ministrligi Ǵylym komitetiniń Filosofiia jáne saiasattaný institýtynyń aspirantýrasyn bitirgen.
Buǵan deiin osy qyzmetti atqarǵan Iýliia Kýchinskaia Qazaqstan Respýblikasy Parlamentiniń Májilisindegi «Nur Otan» fraktsiiasynyń depýtaty boldy.
