Nur Otan partiiasynyń kezekten tys XX Sezi jumysyn bastady. Sezd QR Tuńǵysh Prezidenti - Elbasy Nursultan Nazarbaevtyń tóraǵalyǵymen ótip jatyr, dep habarlaidy "Ult aqparat".
Alqaly jiyn barysynda Májiliske arnalǵan partiialyq tizim, sondai-aq jumys organdarynyń quramy men ózge de ózekti máseleler qaralady.
126 kandidattan quralǵan tizim Nur Otan partiiasynyń HH sezine usynylady.
Esterińizge sala ketsek, keshe Elbasy Nursultan Nazarbaevtyń tóraǵalyǵymen «Nur Otan» partiiasynyń Saiasi keńesi Biýrosynyń otyrysy ótti.
Jiynda Elbasy sońǵy bes jyl ishinde partiia óziniń sailaý aldynda bergen ýádeleriniń basym bóligin oryndaǵanyn atap ótti.
Qazaqstannyń Tuńǵysh Prezidenti sońǵy bir jyldyń ishinde partiia jumysyn qaita jandandyrý baǵytynda aýqymdy júieli jumys atqarylǵanyna nazar aýdartty.
Sondai-aq Elbasy praimerizge qatysýshylar men onda jeńiske jetken azamattarǵa toqtaldy.
«Praimerizge qatysýshylardyń úshten bir bóligi jáne partiialyq tizimge engen árbir besinshi adam – jastar. Partiialyq tizimniń 30 protsentin áielder quraidy. Sonymen birge partiia tiziminde kópbalaly analar, múmkindigi shekteýli jandar, biznes ókilderi, jumysshylar men qyzmetkerler bar. Praimerizge qatysqan partiianyń árbir úshinshi jańa múshesi jeńiske jetti. Osylaisha, biz «Nur Otan» partiiasynyń jumysyn júieli túrde qaita jandandyrýdy aiaqtadyq. Qazaqta «Júre berseń, kóre beresiń» degen sóz bar. Minekei, sezdi qashyqtan ótkizýge májbúr bolyp otyrmyz. Osyndai zamanǵa tap keldik. Bul da ómirimizdiń bir salasy bolyp esimde qalady. Amanshylyq bolsa, aldaǵy ýaqytta kezdesip, shúiirkelesip, júzdesip, qushaqtasatyn bolamyz. Sol kúnge tezirek jetkizsin « , - dedi sezd jumysyn ashqan Elbasy.
