Nur Otan partiiasynyń qatysýymen Áleýmettik kodeks ázirlenedi. Bul týraly Nur Otan partiiasynyń kezekten tys XX Sezinde QR Prezidenti Qasym-Jomart Toqaev aitty, dep habarlaidy "Ult aqparat".
«Biz tek áleýmettik kómekke muqtaj jandarǵa ǵana emes, halyqtyń ózge de toptaryna qoldaý kórsetemiz. Partiialyq tizimdegi 20 paiyzdyq kvota jas kóshbasshylardy qoldaýdyń naqty tetigine ainaldy. Nur Otan qataryna bilimdi, qaisar jáne jigerli jastar qosyldy», - dedi QR Prezidenti.
Memleket basshysy áielderdiń qoǵamdyq-saiasi ómirdegi, ekonomikanyń barlyq sektoryndaǵy rólin kúsheitý - álemdik úrdis ekendigin basa aitty.
«Qazirgi ýaqytta partiialyq tizimniń 30 paiyzy áielderden quralǵan. Bul - áielder qaýymy úshin memleket basqarý isine atsalysýǵa jol ashatyn naqty áleýmettik múmkindik. Partiianyń belsendi qatysýymen Áleýmettik kodeks ázirlenedi. Bul mazmuny jaǵynan múldem jańa qujat bolmaq. Kodekste qoǵam men memleket arasyndaǵy ózara kelisim ornatýdyń tyń tásilderi kórsetiledi», - dedi Qasym-Jomart Toqaev.
