Qoǵamdyq saiasat institýtynyń qazan aiyndaǵy saýalnama nátijelerine sáikes partiiany qoldaý deńgeii 76,8% quraidy. Sonymen qatar, 70,7% partiianyń saiasi salada básekelesteri joq degen pikirde, al respondentterdiń 69,2% eldiń odan ári damýyn tek «Nur Otan» partiiasymen bailanystyrady, dep habarlaidy Socioexpert.
Partiiany qoldaýdyń joǵary deńgeii, bul pandemiia kezeńinde halyqty qoldaý jumystarynyń kúsheiýiniń, keri bailanystyń onlain-arnalary men qoǵamdyq qabyldaýlardyń nyǵaiýynyń, Elbasy men Memleket basshysynyń tapsyrmalarynyń oryndalýyn baqylaý jónindegi maqsatty jumystarynyń nátijesi.
Sondai-aq, partiia reitingteriniń artýyna qoǵamda suranysqa ie bola bilgen praimerizdi ótkizý yqpal etti. Praimerizde partiia músheleriniń 82,4% daýys berdi, 10 myńnan astam kandidat tirkeldi, olardyń 55% - ten astamy qalalyq jáne aýdandyq máslihattar tizimine ótti. Qazaqstandyqtardyń 65,3% partiialyq sailaý týraly estigen, olardyń 62% praimerizdi «jaqsy tájiribe» dep sanaidy.
