Shymkentte «Nur Otan» partiiasy Ońtústik Qazaqstan oblystyq filialynyń kezekten tys HHHII konferentsiiasy ótti. Jiynǵa oblystyq partiia filialy saiasi keńes músheleri, oblystyq máslihat depýtattary, aýdan, qalalardan sailanǵan delegattar, memlekettik organdardyń basshylary jáne BAQ ókilderi qatysty, dep habarlaidy ákimniń baspasóz qyzmeti.
Konferentsiiada Qazaqstan Respýblikasynyń Prezidenti N.Á.Nazarbaevtyń 2017 jylǵy 12 sáýir kúngi «Bolashaqqa baǵdar: rýhani jańǵyrý» atty maqalasyn Ońtústik Qazaqstan oblysynda júzege asyrý barysy týraly Ońtústik Qazaqstan oblysy ákimi, partiia filialy tóraǵasy Janseiit Túimebaev baiandama jasady.
«Búginde Ońtústik Qazaqstan oblysynda Elbasymyzdyń «Rýhani jańǵyrý» baǵdarlamasy boiynsha bekitilgen 6 arnaiy jobanyń iaǵni, «Týǵan jer», «Qasietti Qazaqstan», «Qazirgi álemdegi Qazaqstan mádenieti», «100 jańa esim» jobalary júzege asyrylýda. Qazirgi tańda qoǵamda keń talqylanyp otyrǵan latyn qarpine kóshý baǵdarlamasyn halyqqa túsindirý jumystarynyń eń aldyńǵy qatarynda «Nur Otan» partiiasy turýy tiis,- dedi Janseiit Qanseituly.
Jiyn barysynda oblystyq slavian mádeni ortalyǵynyń tóraǵasy Iýrii Kiriýhin, Ońtústik Qazaqstan oblystyq máslihatynyń depýtaty Dáýren Ahmetov, Shymkenttegi №45 mektep gimnaziiasynyń direktory Roza Pak, «Jas Otan» jastar qanatynyń belsendi múshesi Bekzat Tólebai sóz sóiledi.
Sonymen qatar, konferentsiia baǵdarlamasyna sáikes, «Nur Otan» partiiasynan Ońtústik Qazaqstan oblystyq №11 sailaý okrýgy boiynsha Súleimenov Qairat Musahanuly, №35 sailaý okrýginen Áshirbaev Baiken Áshirbaiuly, №49 sailaý okrýgy boiynsha Sermaniiazov Baqytjan Qapshyqbaiuly, №50 sailaý okrýgi boiynsha Qýatbekova Rabiǵa Ábdimusaqyzy oblystyq máslihat depýtattyǵyna úmitkerler retinde usynyldy.
Konferentsiia jumysyn qorytyndylaǵan oblys ákimi, «Nur Otan» partiiasy oblystyq filialy tóraǵasy Janseiit Túimebaev partiia aktivine aldaǵy atqarylatyn jumystar boiynsha birqatar tapsyrmalar berip, júktelgen mindetter men tapsyrmalar óz merziminde ári sapaly oryndalýyna senim bildirdi. Májilis qorytyndysy boiynsha arnaiy qarar qabyldandy.
