«Nur Otan» partiiasy Ortalyq apparatynyń basshysy Mádi Ospanov «Solnechnyi mir» Daýn sindromy bar balalarǵa tegin ońaltý jáne psihologiialyq kómek kórsetý ortalyǵyndaǵy búldirshinderdi merekemen quttyqtaý barysynda 1 million teńge kóleminde materialdyq kómek kórsetti.
Búgin «Nur Otan» partiiasynyń «Kedergisiz keleshek» partiialyq jobasy aiasynda astanalyq "Solnechnyi mir" ońaltý ortalyǵynda erekshe qajettilikteri bar balalarǵa arnalǵan jańa jyldyq erteńgilik ótti.
«Solnechnyi mir» ortalyǵy Daýn sindromy bar balalarǵa tegin ońaltý jáne psihologiialyq kómek kórsetý, sondai-aq osy mentaldy kemshilikteri bar balalardy tárbieleýde ata-analarǵa tegin keńes jáne ádistemelik kómek kórsetedi. 2016 jyldyń qarasha aiynan bastap onyń qyzmetkerleri Daýn sindromy bar 240-tan astam balaǵa kómektesti.
Balalardy merekemen quttyqtaý barysyda «Nur Otan» partiiasy Ortalyq apparatynyń basshysy Mádi Ospanov «Nur Otan» partiiasy búginde «Kedergisiz keleshek» jobasy aiasynda inkliýzivti bilim berýdi damytýǵa, múmkindigi shekteýli jandar úshin «kedergisiz aimaq» qurýǵa belsendi atsalysatynyn atap ótti.
Budan basqa, Mádi Ospanov erekshe qajettilikteri bar adamdardy jumysqa ornalastyrý boiynsha jumystar júrgizilýde ekenin aitty. Qazir Qazaqstanda 400 myńǵa jýyq kembaǵal jan jumys izdeýde dep málimdedi.
- Múmkindigi shekteýli 120 myń adam ǵana jumysqa ornalasty. Osy 4 jyl ishinde «Nur Otan» partiiasynyń bos jumys oryndary jármeńkesiniń arqasynda 34 500 qazaqstandyq jumysqa ornalasty, - dedi ol.
Sonymen qatar, «Nur Otan» partiiasy Ortalyq apparatynyń basshysy elimizdiń basty saiasi kúshi retinde múmkindigi shekteýli adamdardyń quqyqtaryn júzege asyrý salasyndaǵy zańnamany jetildirý baǵytynda jumys istep jatqandyǵyn atap ótti. Bul úshin partiia uiymynyń bazasynda arnaiy alań qurylǵan. Onda barlyq ÚEU ózekti máselelerdi talqylaýǵa jáne sheshýge qatysa alady.
Sońynda Mádi Ospanov erekshe qajettilikteri bar 30 bala men jasóspirimderge syilyqtar tabystady. Sonymen qatar, «Nur Otan» partiiasy «Solnechnyi mir» ortalyǵyna 1 million teńge kóleminde materialdyq kómek kórsetti.
Sondai-aq, partiia tarapynan «Kedergisiz keleshek» partiialyq jobasy aiasynda Astana qalasynyń kommýnaldyq qory ǵimarattarynyń birinde Ortalyq úshin ǵimarat berý múmkindigin qarastyrý týraly Astana qalasynyń ákimine hat joldandy. Qazirgi ýaqytta ákimdik bul máseleni sheshýde.
Aita keteiik, osyndai aktsiialar búgin búkil el boiynsha ótti – partiia filialdary, "Nur Otan" partiiasynyń iri bastaýysh uiymdary joba aiasynda erekshe qajettilikteri bar balalarǵa, jetim balalarǵa jáne kóp balaly otbasylardyń balalaryna syilyqtar tartý etti.
HASENOV BERIK
.jpeg)