«Nur Otan» partiiasy óńirlik filialdarynda ótetin konferentsiialardyń kestesin jariialady. Onyń barysynda barlyq deńgeidegi máslihattarǵa partiialyq tizimder jáne ár óńirden Májiliske partiialyq tizimge kandidattar anyqtalady.
Sonymen, konferentsiia 10 qarashada – Shymkent qalasynda, 11 qarashada – Almaty qalasynda, 12 qarashada – Nur-sultan qalasynda ótedi. Almaty, Qaraǵandy jáne Qyzylorda oblystarynda – 16 qarashada, al Aqmola, Shyǵys Qazaqstan, Jambyl, Batys Qazaqstan, Túrkistan, Atyraý, Qostanai, Mańǵystaý, Pavlodar jáne Soltústik Qazaqstan oblystarynda – 17 qarashada ótpek.
Partiianyń baspasóz qyzmeti habarlaǵandai, pandemiia jaǵdaiyna bailanysty partiialyq konferentsiialar barlyq sanitarlyq-epidemiologiialyq talaptardy saqtai otyryp uiymdastyrylady. Bul rette partiianyń resmi akkaýnttarynda barlyq óńirlik konferentsiialardyń onlain-kórsetilimi qamtamasyz etiledi.
Konferentsiialarda sheshim qatysýshy delegattardyń kópshilik daýysymen qabyldanady. Daýys berý «Praimeriz» aqparattyq júiesinde ótetin pikirsaiystardyń qorytyndylary boiynsha daýys berýdi qospaǵanda, delegattyń qol nemese mandatyn kóterýi arqyly ótkiziledi.
Konferentsiia barysynda qatysýshylar arasynda pikirsaiys uiymdastyrylady. Birinshi raýndta úmitkerler aýdan nemese qalanyń máselelerin sheshýge qatysty ózderiniń kózqarastaryn usynýy kerek. Ekinshi raýnd – «suraq-jaýap» formatyndaǵy pikirtalas sessiiasy.
Partiianyń Ortalyq apparaty bekitken filial konferentsiialarynyń árbir kezeńin reglamentteitin nusqaýlyqqa sáikes, Májiliske úmitkerler, respýblikalyq mańyzy bar qalalardy qospaǵanda, eki ret – aýdandyq, qalalyq jáne oblystyq konferentsiialarda pikirsaiys ótkizedi.
Parlament tómengi palatasynyń qazir qyzmettigi depýtattary birden oblystyq, sondai-aq respýblikalyq mańyzy bar qalalardaǵy konferentsiialardyń pikirsaiystaryna qatysa alady.
Pikirsaiys qorytyndysy boiynsha eń kóp daýys jinaǵan kandidat Májilistiń partiialyq tizimine pikirsaiysqa qatysýshy retinde oblystyq konferentsiiaǵa usynylady. Árbir aýdan, qala Májilistiń partiialyq tizimine pikirsaiysqa bir qatysýshyny usynady. Oblys ortalyǵy Májilistiń partiialyq tizimindegi óńirdiń ókildik kvotasyna teń sanda pikirsaiysqa qatysýshylardy usynady.
Oblystyq máslihattarǵa partiialyq tizimder tiisti konferentsiialarda, al Májiliske qorytyndy tizim «Nur Otan» sezinde bekitiledi.
Aita keteiik, óńirlik konferentsiialarda úmitkerler arasynda pikirsaiystar praimerizdiń ekinshi kezeńi aiasynda ótkiziledi.
Partiiaishilik irikteýdiń birinshi kezeńine 10 myńǵa jýyq kandidat qatysty. Olardyń 37%-ti – áielder, 29%-ti – 35 jasqa deiingi jastar. Bastaýysh partiia uiymdarynan kandidattardyń 30%-i usynylsa, al 70%-i – ózin-ózi usynýshylar. Kandidattardyń ortasha jasy – 43 jas. Bul rette daýys berýge 662 myńnan asa partiialyq qatysty.
Partiiaishilik praimeriz – Elbasy, «Nur Otan» partiiasynyń Lideri Nursultan Nazarbaevtyń bastamasymen qolǵa alynǵan partiia jumysyn qaita jandandyrý baǵdarlamasynyń qorytyndy kezeńderiniń biri.
Bul týraly tolyǵyraq aqparatpen primaries.kz saitynan tanysýǵa bolady.
