Májilistiń eks-depýtaty Nurjan Áltaev Nur Otan partiiasynan shyǵarylyp, depýtattyq mandattan aiyrylýyna qatysty túsinikteme berdi, dep habarlady Sputnik Qazaqstan.
Onyń aitýynsha, partiiadan shyǵý partiia basshylyǵymen kelispei, ashyq pikir bildirýge múmkindik beredi.
"Men partiia tártibin qurmetteimin, alaida Qazaqstan halqyna odan da zor qurmetpen qaraimyn. Men halyqtyń ótinishine beijai qarai almadym, keide meniń depýtattyq saýalym fraktsiianyń kelisimin almaityn. Triggerge osy jyldyń jazy sebep boldy. Pandemiia kezinde adamdar qaitys boldy, pandemiiamen kúresýge bólingen qomaqty qarajatqa qaramastan, adamdar meditsinalyq kómek ala almady", - dedi Áltaev brifing barysynda.
Nurjan Áltaev biliktiń barlyq deńgeiindegi sybailas jemqorlyq, sondai-aq úkimettiń halyq aldynda esep bermeýi eldegi úlken problema ekenin atap ótti.
"Men premer-ministrdi parlamentke halyq aldynda esep berýge shaqyrdym, biraq ol kisi kelmedi. Jaýap jazylǵan hat joldady, alaida ol hat meni de, sailaýshylardy da qanaǵattandyrmady. Jazda bolǵan barlyq oqiǵadan keiin elge eleýli saiasi reformalar qajet ekenin túsindim. Bul problemanyń bári jyldar boiy jinaqtaldy", - dedi depýtat.
Áltaev aldaǵy parlamenttik sailaý týraly da aitty.
"Halyqtyń nemen kún kórip otyrǵany sheneýnikterdi asa qatty tolǵandyrmaidy. Adamdardyń tabysy aitarlyqtai tómendedi, al bul týraly úndemei, otyryp alyp baǵdarlamalar men jetistikter týraly aitý durys emes dep sanaimyn. Problemalar men faktiler týraly aitqanda erejeler men zańdardy buzyp jatyrmyn dep oilamaimyn. Bizdiń bilikke syn qajet. Máselelerdi moiyndaý kerek jáne bárin birge sheshý kerek. Biz elge qarsylas emespiz, biz problemalardy sheshkimiz keledi. Ol úshin shyndyqty aitý kerek. Nur Otan partiiasy, ókinishke qarai, búgingi kúni bul shyndyq pen synǵa áli daiyn emes. Sondyqtan adamdardyń problemalaryn aitqan depýtatty shyǵaryp tastaý týraly sheshim qabyldanǵan shyǵar. Men bul sheshimge (partiiadan shyǵarýǵa) qýanyshtymyn, bailaýly qolymdy sheshti dep aitýǵa bolady", - dep atap ótti Áltaev.
Áltaev Nur Otan partiiasynan shyǵaryldy
27 qarashada Nurjan Áltaev El Tiregi ónerkásipshileri men kásipkerleri odaǵy negizinde óz partiiasyn quratynyn málimdedi. Ol Qazaqstanda saiasi pliýralizm joq ekenin, tek Nur Otan partiiasy bar ekenin aitty.
30 qarashada Ortalyq sailaý komissiiasy óz qaýlysymen Nurjan Áltaevty depýtattyq mandattan aiyrdy. Keiin depýtatty partiialyq tártipti buzǵany úshin Nur Otan partiiasynan shyǵarǵany belgili boldy.
