مەجٸلٸستٸڭ ەكس-دەپۋتاتى نۇرجان ەلتاەۆ Nur Otan پارتيياسىنان شىعارىلىپ, دەپۋتاتتىق مانداتتان ايىرىلۋىنا قاتىستى تٷسٸنٸكتەمە بەردٸ, دەپ حابارلادى Sputnik قازاقستان.
ونىڭ ايتۋىنشا, پارتييادان شىعۋ پارتييا باسشىلىعىمەن كەلٸسپەي, اشىق پٸكٸر بٸلدٸرۋگە مٷمكٸندٸك بەرەدٸ.
"مەن پارتييا تەرتٸبٸن قۇرمەتتەيمٸن, الايدا قازاقستان حالقىنا ودان دا زور قۇرمەتپەن قارايمىن. مەن حالىقتىڭ ٶتٸنٸشٸنە بەيجاي قاراي المادىم, كەيدە مەنٸڭ دەپۋتاتتىق ساۋالىم فراكتسييانىڭ كەلٸسٸمٸن المايتىن. تريگگەرگە وسى جىلدىڭ جازى سەبەپ بولدى. پاندەمييا كەزٸندە ادامدار قايتىس بولدى, پاندەمييامەن كٷرەسۋگە بٶلٸنگەن قوماقتى قاراجاتقا قاراماستان, ادامدار مەديتسينالىق كٶمەك الا المادى", - دەدٸ ەلتاەۆ بريفينگ بارىسىندا.
نۇرجان ەلتاەۆ بيلٸكتٸڭ بارلىق دەڭگەيٸندەگٸ سىبايلاس جەمقورلىق, سونداي-اق ٷكٸمەتتٸڭ حالىق الدىندا ەسەپ بەرمەۋٸ ەلدەگٸ ٷلكەن پروبلەما ەكەنٸن اتاپ ٶتتٸ.
"مەن پرەمەر-مينيستردٸ پارلامەنتكە حالىق الدىندا ەسەپ بەرۋگە شاقىردىم, بٸراق ول كٸسٸ كەلمەدٸ. جاۋاپ جازىلعان حات جولدادى, الايدا ول حات مەنٸ دە, سايلاۋشىلاردى دا قاناعاتتاندىرمادى. جازدا بولعان بارلىق وقيعادان كەيٸن ەلگە ەلەۋلٸ ساياسي رەفورمالار قاجەت ەكەنٸن تٷسٸندٸم. بۇل پروبلەمانىڭ بەرٸ جىلدار بويى جيناقتالدى", - دەدٸ دەپۋتات.
ەلتاەۆ الداعى پارلامەنتتٸك سايلاۋ تۋرالى دا ايتتى.
"حالىقتىڭ نەمەن كٷن كٶرٸپ وتىرعانى شەنەۋنٸكتەردٸ اسا قاتتى تولعاندىرمايدى. ادامداردىڭ تابىسى ايتارلىقتاي تٶمەندەدٸ, ال بۇل تۋرالى ٷندەمەي, وتىرىپ الىپ باعدارلامالار مەن جەتٸستٸكتەر تۋرالى ايتۋ دۇرىس ەمەس دەپ سانايمىن. پروبلەمالار مەن فاكتٸلەر تۋرالى ايتقاندا ەرەجەلەر مەن زاڭداردى بۇزىپ جاتىرمىن دەپ ويلامايمىن. بٸزدٸڭ بيلٸككە سىن قاجەت. مەسەلەلەردٸ مويىنداۋ كەرەك جەنە بەرٸن بٸرگە شەشۋ كەرەك. بٸز ەلگە قارسىلاس ەمەسپٸز, بٸز پروبلەمالاردى شەشكٸمٸز كەلەدٸ. ول ٷشٸن شىندىقتى ايتۋ كەرەك. Nur Otan پارتيياسى, ٶكٸنٸشكە قاراي, بٷگٸنگٸ كٷنٸ بۇل شىندىق پەن سىنعا ەلٸ دايىن ەمەس. سوندىقتان ادامداردىڭ پروبلەمالارىن ايتقان دەپۋتاتتى شىعارىپ تاستاۋ تۋرالى شەشٸم قابىلدانعان شىعار. مەن بۇل شەشٸمگە (پارتييادان شىعارۋعا) قۋانىشتىمىن, بايلاۋلى قولىمدى شەشتٸ دەپ ايتۋعا بولادى", - دەپ اتاپ ٶتتٸ ەلتاەۆ.
ەلتاەۆ Nur Otan پارتيياسىنان شىعارىلدى
27 قاراشادا نۇرجان ەلتاەۆ El Tiregi ٶنەركەسٸپشٸلەرٸ مەن كەسٸپكەرلەرٸ وداعى نەگٸزٸندە ٶز پارتيياسىن قۇراتىنىن مەلٸمدەدٸ. ول قازاقستاندا ساياسي پليۋراليزم جوق ەكەنٸن, تەك Nur Otan پارتيياسى بار ەكەنٸن ايتتى.
30 قاراشادا ورتالىق سايلاۋ كوميسسيياسى ٶز قاۋلىسىمەن نۇرجان ەلتاەۆتى دەپۋتاتتىق مانداتتان ايىردى. كەيٸن دەپۋتاتتى پارتييالىق تەرتٸپتٸ بۇزعانى ٷشٸن Nur Otan پارتيياسىنان شىعارعانى بەلگٸلٸ بولدى.
