جۋرناليست جانات مولداشوۆا ەدٸلحان ەسٸمدٸ قارييانىڭ دەنساۋلىعى ناشارلاپ, ەستە ساقتاۋ قابٸلەتٸ تٶمەندەگەنٸن حابارلادى. ونىڭ ايتۋىنشا, قاريياعا قاتىستى ٸس بويىنشا سوت پروتسەسٸ باستالعالى جاتىر. الايدا قارت كٸسٸ قازٸر باسىنان ٶتكەن جايتتاردى بايانداپ بەرە المايدى, دەپ حابارلايدى ult.kz.

جۋرناليست Instagram پاراقشاسىندا ەدٸلحان اتامەن جازدا كەزدەسٸپ, ەڭگٸمەلەسكەنٸن جازدى. سول كەزدە قالاعا ارنايى كەلگەن قارييا ٶز جاعدايىن ەگجەي-تەگجەي ايتىپ, كٶزٸنە جاس العان.

"قارنىمنىڭ اشقانىنا ەمەس, قادٸرٸمنٸڭ قاشقانىنا جىلايمىن” دەگەن وسى. ەڭ ٶكٸنٸشتٸسٸ, ەدٸلحان اتا بەرٸن ۇمىتقان. قايران ەكە, جازدا قالاعا كەلٸپ, جىلاپ وتىرىپ بەرٸن ەگجەي-تەگجەي ايتىپ بەرگەن ەدٸ. ەندٸ سوت باستالادى. بٸراق ٶزٸ سٶيلەي المايدى. دەنساۋلىعى ناشارلاپ, جادى ٶشكەن",  – دەپ جازدى جانات مولداشوۆا.

جۋرناليستٸڭ جازباسىنا قاراعاندا, سول كەزدەسۋدەن كەيٸن قارييانىڭ جاعدايى ناشارلاعان. ول ەدٸلحان اتانىڭ سوت قارساڭىندا ٶز باسىنان ٶتكەن وقيعالاردى ايتىپ بەرە الماي وتىرعانىنا الاڭداۋشىلىق بٸلدٸردٸ.

ايتا كەتەيٸك, قارت ەكەسٸن تاماقتاندىرعان ەر ادام جەلٸدەگٸلەردٸ تەنتٸ ەتتٸ.

نە جاعداي بولدى? 

ەڭگٸمە اتىراۋ وبلىسى قىزىلقوعا اۋدانىنىڭ ساعىز اۋىلىندا تۇرعان ەدٸلحان سيسەنوۆ تۋرالى. قارييا بۇعان دەيٸن كەنجە ۇلى ٶزٸن ۇرىپ-سوعىپ, سكوتچپەن بايلاپ, ٷيدەن شىعارماي قويعانىن ايتىپ, پوليتسيياعا شاعىمدانعان. ونىڭ سٶزٸنشە, جانجال 15 مىڭ تەڭگەگە بايلانىستى شىققان.

اقساقالدىڭ ايتۋىنشا, بالاسى وعان بٸرنەشە رەت قول كٶتەرٸپ, اس-سۋ بەرمەگەن. تٷندە قارييا تەرەزە ارقىلى سىرتقا شىعىپ, قارىنداسىنىڭ ٷيٸنە بارعان. قارىنداسى كەنجەتاي سيسەنوۆا دا اعاسىنىڭ بۇعان دەيٸن قورلىق كٶرگەنٸن ايتقان. پوليتسييا ٶكٸلٸ 19 ماۋسىمدا «ۇرىپ-سوعۋ» دەرەگٸ بويىنشا قىلمىستىق ٸس قوزعالعانىن راستاعان. كەيٸن قارييانى ٶزگە پەرزەنتٸ ٷيٸنە الىپ كەتكەن.