«Nur Otan» partiiasy 7 myń oqýshyny aǵylshyn tiline oqytýǵa bailanysty maqsat qoidy. Búgingi tańda 84 aýyldyq aimaqtar men Qazaqstannyń aýdan ortalyqtarynda «English for Jastar» jobasynyń sheńberinde 9-11 synyp oqýshylaryna arnalǵan tegin fakýltativtik kýrstar bastaý aldy. Joba Memleket basshysynyń tapsyrmasy sheńberinde iske asyp jatqan, úshtildilikti engizý jónindegi aýqymdy baǵdarlamany qoldaý úshin joba daiyndaldy. Ol oqýshylardyń aǵylshyn tili deńgeiin arttyrýǵa jáne qarym-qatynas mashyǵyn jaqsartýǵa kómektesýge paidasyn keltiredi.
«English for Jastar» pilottyq rejimde ótkizilip 2 aiǵa 2018 jyldyń qyrkúieginen qarashasyna deiin jalǵasady.
Aǵylshyn tilin oqýdy, tildiń qoldanýshylary men «Jas Otan» jastar qanaty sol úshin arnaiy iriktegen otandyq mamandar úiretedi. Respýblikamyzda úshtildilikti damytýǵa niet bildirgen 141 eriktilerdiń sany -141 adam boldy. Olardyń ishinde 75 qazaqstandyq joǵary oqý ornynda bilim alyp jatqan stýdentter.
Solardyń biri Abai Myrzahmetov atyndaǵy Kókshetaý ýniversitetiniń 4 kýrs stýdenti Miras Ózbekov. Ustaz retinde oǵan «Zelenyi bor» aýylynda óz múmkindigin tanytý múmkindigi týdy.
- Meniń maqsatym – aýyldyq mektepterdegi balalardy aǵylshyn tiline oqytý. Sonymen birge men ózimniń bilim deńgeiimdi arttyra túsýdi úmittenemin. Bul men úshin umytylmas tájiribe bolatyn shyǵar degen oidamyn, - dep atap ótti ol.
Aǵylshyn tilin oqytý boiynsha fakýltativtik kýrstar taǵy bir partiialyq joba sheńberinde barlyq elimiz boiynsha ashylǵan, 20 kovorking-ortalyqta, sonymen birge Qazaqstannyń 64 mektebinde uiymdastyryldy.
- Fakýltativterde oqýshylar mektepke qaraǵanda anaǵurlym tereń bilim alatyn bolady. Sonymen birge, taiaý ýaqytta balalardyń shet elden kelgen tildiń qoldanýshylarymen aralasý múmkindigi paida bolady, - dep atap ótti Partiia hatshysy Tamara Dúisenova.
«English for Jastar» jobasy júzege asyp jatqan barlyq aýdandarǵa qajetti oqý quraldary jetkizildi. Osyǵan orai 172 Elementary men Pre-Intermediate oksfordtyq qural jiyntyǵy bólindi. Ár jiyntyqta oqýshylarǵa arnalǵan Student`s Book, tapsyrmany jasaýǵa arnalǵan Workbook, sonymen birge aǵylshyn tilindegi filmderdiń DVD-diskileri bar.
«Jas Otan» Jastar qanaty men «Bolashaq» qaýymdastyǵy jobanyń uiymdastyrýshylary boldy. Jobaǵa akademiialyq kómekti «InterPress» til ortalyǵy kórsetti. Olardyń Oxford University Press (Angliia) baspasynyń «Solutions» oqýlyǵy boiynsha, oqytýshylar qosymsha til syndyrady. Sondai-aq, «AIESEC» halyqaralyq uiymy, «Bilim berý liderliginiń ortalyǵy» JShS, «Nazarbaev Ýniversiteti» AQ, «Qazaq Air» áýekompaniiasy AQ, «Meloman HOME VIDEO» JShS, ál-Farabi atyndaǵy QazUÝ, «4KZTours» QR ishki týrizmdi damytý jónindegi amerikandyq kompaniiasy jobaǵa áriptestik tanytty.
