«NUR Media» holdingine jańa basshy taǵaiyndaldy, dep habarlaidy "Ult aqparat" holdingtiń baspasóz qyzmetine silteme jasap.
Búgin «Nur Otan» partiiasy Tóraǵasynyń Birinshi orynbasary Máýlen Áshimbaev «NUR Media» ujymyna holdingtiń jańa bas direktoryn tanystyrdy. Ol - belgili jýrnalist Áliia Bórieva.
Eńbek jolyn Shymkenttegi «Otyrar» telearnasynan bastaǵan. Ár jyldary KTK, Qazaqstan jáne «Astana» telearnalarynda, túrli memlekettik organdardyń baspasóz qyzmetterinde jumys istegen.
2006 jyldan bastap Áliia Bórieva «Nur Otan» partiiasy ortalyq apparaty men «NUR Media» holdinginiń qurylymynda basshylyq laýazymdardy atqardy.
Búgin «Nur Otan» partiiasy Ortalyq apparatynyń baspasóz qyzmetiniń basshysy laýazymyna Maksim Spotkai taǵaiyndaldy. Ol buǵan deiin partiia media-holdingi bas direktorynyń orynbasary bolǵan.
«Osy taǵaiyndaýlar partiianyń aqparattyq saiasatyn odan ary kúsheitýge igi áser etedi dep senemin. Biz birge «Nur Otan» partiiasyn ashyq, nátijeli, 21 ǵasyrdyń innovatsiialyq saiasi uiymyna ainaldyrýǵa tiispiz. Áriptesterime sáttilik jáne shyǵarmashylyq tabystar tileimin», - dedi Máýlen Áshimbaev.
