Qazgidromet aýa raiynyń buzylýyna bailanysty birqatar óńirlerde eskertý jariialady, dep habarlaidy "Ult aqparat".
7 maýsymda Qostanai oblysynyń kei jerlerinde naizaǵai, daýyl, kúndiz burshaq kútiledi. Soltústik-batystan jel soǵady, túnde kei jerlerde 15-20, kúndiz 15-20, ekpini 23 m/s kútiledi.
Osy kúni Qostanai qalasynda naizaǵai oinap, soltústik-batystan jel soǵady, ekpini - 15-20 m/s.
7 maýsymda Shyǵys Qazaqstan oblysynda túnde kei jerlerde qatty jańbyr kútiledi. Kei jerlerde naizaǵai, daýyl. Kúndiz burshaq jaýýy múmkin. Ońtústik-batystan soǵatyn jeldiń kúshi kei jerlerde - 15-20, ekpini - 25 m/s jetedi.
Óskemen qalasynda naizaǵai jarqyldaidy, kúndiz burshaq jaýýy múmkin. Ońtústik-batystan soqqan jeldiń kúshi 15-20 m/s deiin jetedi.
Semei qalasynda naizaǵai kútiledi, kúndiz burshaq jaýady. Ońtústik-batystan soqqan jeldiń kúshi 15-20 m/s deiin jetedi.
7 maýsymda Soltústik Qazaqstan oblysynda jańbyr, kei jerlerde qatty jańbyr jaýady. 7-8 maýsymda kei jerlerde tuman, naizaǵai, burshaq, daýyl kútiledi. 7 maýsymda soltústik-batystan jel soǵady, túnde kei jerlerde ekpini - 15-20 m/s, kúndiz 15-20, kei jerlerde 25 m/s bolady. 8 maýsymda jel ekpini kei jerlerde - 15-20 m/s.
Petropavl qalasynda 7-8 maýsymda naizaǵai oinap, burshaq jaýady. Daýyl turýy múmkin. Soltústik-batystan jel soǵady, jel ekpini - 15-20 m/s, 7 maýsym kúndiz jel 25 m/s deiin kúsheiedi.
7-9 maýsymda Aqmola oblysynyń kei jerlerinde naizaǵai jarqyldap, daýyl saqtalady. Kúndiz kei jerlerinde burshaq jaýady. 7, 8, 9 maýsym kúnderi soltústik-batystan, batystan jel soǵady, kei jerlerde jel jyldamdyǵy - 15-20 m/s, 8 maýsymda - 23 m/s.
Nur-Sultan qalasynda 7-8 maýsymda naizaǵai oinap, daýyl turady. Kúndiz burshaq jaýady. 7-8 maýsym kúnderi soltústik-batystan, batystan kúshti jel soǵady, ekpini - 15-20 m/s.
7 maýsym kúndiz Túrkistan oblysynyń taýlarynda naizaǵai jarqyldaidy. Soltústik-batystan jel soǵady, kei jerlerde jeldiń kúshi - 15-20 m/s.
Túrkistan qalasynda osy kúni soltústik-batystan soǵatyn jeldiń ekpini 15-20 m/s deiin kúsheiedi.
7 maýsymda kúndiz Qyzylorda oblysynyń kei jerlerinde shańdy daýyl kútiledi. Ońtústik-batystan, batystan jel soǵady, kei jerlerinde 15-20, ekpini 23 m/s jetedi.
