Norvegiianyń Tronheim qalashyǵynda koronavirýstyń áli kúnge deiin belgisiz mýtatsiiasy anyqtaldy, dep habarlaidy QazAqparat The Local Norway-ǵa silteme jasap.
Juma kúni virýstyń úlgileri taldaý jasaý úshin Tronheimnen Norvegiianyń qoǵamdyq densaýlyq saqtaý institýtyna (NIPH) joldandy, dep jazady basylym.
Tronheimniń bas dárigeri Týve Resstad qalada anyqtalǵan koronavirýstyń mýtatsiiasy Norvegiianyń ózinde anyqtalmaǵan dep sanaidy.
«Norvegiianyń qoǵamdyq densaýlyq saqtaý institýty buǵan deiin osyndai mýtatsiiaǵa tap bolǵan joq», - dep málimdedi Resstad Verdens Gang gazetine.
Qazirgi kezde Tronheimde koronavirýs juqtyrýdyń 35 oqiǵasy rastalǵan, taǵy 1500 adam bailanysta bolǵandar retinde karantinde otyr. Demalys kúnderi qalada aýrýǵa shaldyǵýdyń segiz jańa oqiǵasy tirkeldi, sonyń ishinde altaýy jergilikti úsh shaǵyn kásiporyn – Edge shashtarazy, Barmuda bary jáne Lille London pabymen bailanysty.
Resstad koronavirýstyń bul túri basqalaryna qaraǵanda odan da juqpaly ekenine senim joq ekenin atap ótti. Norvegiialyq mamandar úshin sondai-aq atalǵan mýtatsiianyń taǵy qandai sipattamalary bar ekeni belgisiz bolyp otyr.
Resstadtyń aitýynsha, koronavirýstyń jańa túrin juqtyrý úshin aýyrǵan adammen tyǵyz bailanysta bolý mindetti emes. Ol sondai-aq adamdardyń virýstyń bul jańa túrin tez juqtyryp alatynyn qosyp ótti – virýs ózin basqasha tanytady.
Verdens Gang basylymy Norvegiianyń qoǵamdyq densaýlyq saqtaý institýtynan virýstyń jańa mýtatsiiasynyń úlgilerin taldaý boiynsha túsinikteme suraǵanyn qosyp ótti.
