Munai joǵary qosalqy baǵamen eseptelinetin ónim jasaý úshin de qoldanylýy múmkin, dep habarlaidy "Ult aqparat" vlast.kz saityna silteme jasap.
Qazaqstan munaidan tapqan tabysyn jańarǵan energiia kózderin damytý isine jumsaǵany abzal deidi germaniialyq «Covestro AG» kompaniiasynyń ókili Richard Nortkoýt.
«Sizdiń memleket munai men gazǵa bai el bolsa da, energiianyń balama kózderin damytýdy qolǵa alǵany jón. Mysaly, Norvegiiada munaidy kóptep óndiredi. Biraq búgingi tańda munaidy satý arqyly jel stantsiialaryn salý ústinde. Norvegter jańartylǵan energiia kózderiniń bolashaqta qajet ekenin jaqsy biledi. Sondyqtan erteńge búgin qamdanyp jatyr desek bolady. Munai qory búgin ne erteń taýsylady. Al, jel men kún energeiiasy – sheksiz», - deidi ol «Klimattyń ózgerýi máseleleriniń energetikalyq sheshimderi» sessiiasynyń aiasynda ótken «Bolashaq energiiasy» forýmynda sóilegen sózinde.
Sondai-aq ol munaidyń mol qory bolsa da kún energiiasyn damytyp, qoldaný isin bastap ketken Saýd Arabiiasyn mysalǵa keltirdi.
«Tabiǵi resýrstardyń qol jetimdiliginiń tiimdi ekenine qaramastan, balama energiia kózderin de damytý qajet. Munaidy janarmai retinde paidalanbai, ony qoldanýdyń jańa joldaryn qarastyrǵan jón. Joǵarǵy qosalqy baǵamen eseptelinetin ónimge nemese munai-himiiasyna basymdyq bergen durys», - deidi Nortkoýt.
Sonymen qatar, ol Astanada kórme ótkizýdiń mańyzdylyǵy – jańarǵan energiia kózderin damytýǵa jasaǵan alǵashqy qadam ekenin atap ótti. «Maǵan Qazaqstan pavilony qatty unady. Onda innovatsiialyq jumystar ulttyq úlgide usynylǵan. Meniń oiymsha, muny balama energiia kózderin paidalanýda qoldaný qajet. Iaǵni, aqyryndap energiianyń jańa túrin paidalanýǵa kóshý kerek», - deidi spiker.
