مۇناي جوعارى قوسالقى باعامەن ەسەپتەلٸنەتٸن ٶنٸم جاساۋ ٷشٸن دە قولدانىلۋى مٷمكٸن, دەپ حابارلايدى "ۇلت اقپارات" vlast.kz سايتىنا سٸلتەمە جاساپ.
قازاقستان مۇنايدان تاپقان تابىسىن جاڭارعان ەنەرگييا كٶزدەرٸن دامىتۋ ٸسٸنە جۇمساعانى ابزال دەيدٸ گەرمانييالىق «Covestro AG» كومپانيياسىنىڭ ٶكٸلٸ ريچارد نورتكوۋت.
«سٸزدٸڭ مەملەكەت مۇناي مەن گازعا باي ەل بولسا دا, ەنەرگييانىڭ بالاما كٶزدەرٸن دامىتۋدى قولعا العانى جٶن. مىسالى, نورۆەگييادا مۇنايدى كٶپتەپ ٶندٸرەدٸ. بٸراق بٷگٸنگٸ تاڭدا مۇنايدى ساتۋ ارقىلى جەل ستانتسييالارىن سالۋ ٷستٸندە. نورۆەگتەر جاڭارتىلعان ەنەرگييا كٶزدەرٸنٸڭ بولاشاقتا قاجەت ەكەنٸن جاقسى بٸلەدٸ. سوندىقتان ەرتەڭگە بٷگٸن قامدانىپ جاتىر دەسەك بولادى. مۇناي قورى بٷگٸن نە ەرتەڭ تاۋسىلادى. ال, جەل مەن كٷن ەنەرگەيياسى – شەكسٸز», - دەيدٸ ول «كليماتتىڭ ٶزگەرۋٸ مەسەلەلەرٸنٸڭ ەنەرگەتيكالىق شەشٸمدەرٸ» سەسسيياسىنىڭ اياسىندا ٶتكەن «بولاشاق ەنەرگيياسى» فورۋمىندا سٶيلەگەن سٶزٸندە.
سونداي-اق ول مۇنايدىڭ مول قورى بولسا دا كٷن ەنەرگيياسىن دامىتىپ, قولدانۋ ٸسٸن باستاپ كەتكەن ساۋد ارابيياسىن مىسالعا كەلتٸردٸ.
«تابيعي رەسۋرستاردىڭ قول جەتٸمدٸلٸگٸنٸڭ تيٸمدٸ ەكەنٸنە قاراماستان, بالاما ەنەرگييا كٶزدەرٸن دە دامىتۋ قاجەت. مۇنايدى جانارماي رەتٸندە پايدالانباي, ونى قولدانۋدىڭ جاڭا جولدارىن قاراستىرعان جٶن. جوعارعى قوسالقى باعامەن ەسەپتەلٸنەتٸن ٶنٸمگە نەمەسە مۇناي-حيميياسىنا باسىمدىق بەرگەن دۇرىس», - دەيدٸ نورتكوۋت.
سونىمەن قاتار, ول استانادا كٶرمە ٶتكٸزۋدٸڭ ماڭىزدىلىعى – جاڭارعان ەنەرگييا كٶزدەرٸن دامىتۋعا جاساعان العاشقى قادام ەكەنٸن اتاپ ٶتتٸ. «ماعان قازاقستان پاۆيلونى قاتتى ۇنادى. وندا يننوۆاتسييالىق جۇمىستار ۇلتتىق ٷلگٸدە ۇسىنىلعان. مەنٸڭ ويىمشا, مۇنى بالاما ەنەرگييا كٶزدەرٸن پايدالانۋدا قولدانۋ قاجەت. ياعني, اقىرىنداپ ەنەرگييانىڭ جاڭا تٷرٸن پايدالانۋعا كٶشۋ كەرەك», - دەيدٸ سپيكەر.
