QR Energetika ministri Nurlan Noǵaev beinebailanys arqyly ótken TMD elderi Elektr energetikasy keńesiniń otyrysyna qatysty, dep habarlaidy "Ult aqparat" QR Energetika ministrliginiń baspasóz qyzmetine silteme jasap.
Nurlan Noǵaev óz baiandamasy sheńberinde keńes qatysýshylaryn Qazaqstannyń elektr energetikasy salasyndaǵy sońǵy ózgeristerimen tanystyrdy. Atap aitqanda, 2020 jyldyń jeltoqsanynda Qazaqstan qabyldaǵan «Elektr energetikasy týraly» Zańǵa engizilgen ózgerister jóninde aityp berdi. Túzetýler sheńberinde generatsiianyń manevrlik rejimi bar generatsiialaityn qondyrǵylardyń qurylysyna aýktsiondyq tetik engizildi.
«Biylǵy jyldyń jeltoqsanynda qýaty shamamen 1000 MVt bolatyn áleýeti joǵary jobalar boiynsha aýktsiondyq saýda-sattyq uiymdastyrý josparlanyp otyr», dep atap ótti QR Energetika ministri Nurlan Noǵaev otyrys barysynda.
Sondai-aq Energetika ministri 2021 jyldyń sońyna deiin JEK qýatyn aǵymdaǵy 1800MVt-tan 2100 MVt-qa deiin arttyrý boiynsha Qazaqstannyń josparlary týraly habarlady.
QR Energetika ministri N. Noǵaevtyń aitýynsha, 2020 jyly Qazaqstanda elektr energetikasyn óndirý 108 mlrd Kvt/saǵ. qurady, al 2021 jyldyń qorytyndysy boiynsha 109 mlrd kVt/saǵ. óndirý kútilýde.
Otyrys sheńberinde Úilestirý keńesi týraly Ereje, TMD elderiniń Elektr energetikasy keńesiniń reglamenti bekitildi, TMD elderi Elektr energetikasy keńesiniń 2020 jylǵa esebi tyńdaldy, Elektr energetikasy keńesiniń 2021 jylǵa arnalǵan is-sharalar jospary ózektendirildi.
