Mańǵystaý oblysyna jumys sapary aiasynda QR Energetika ministri Nurlan Noǵaev «MAEK-Qazatomónerkásip» JShS-da boldy, dep habarlaidy "Ult aqparat" atalǵan ministrliktiń baspasóz qyzmetine silteme jasap.
Ministr ónerkásiptik tutynýshylarǵa elektr jáne jylý energiiasyn óndirýge jáne distilliat daiyndaýǵa arnalǵan 10 týrbinalyq agregat pen 13 qazandyq ornatylǵan 2-shi Jylý elektr ortalyǵynyń (2-JEO) jumysymen tanysty.
Issapar barysyndaǵy Nurlan Noǵaev distilliat óndirý zaýytynda bolyp, onda teńiz sýyn tushylandyrý tehnologiiasy jáne keshenniń tiimdiligin arttyrý josparlarymen tanysty.
Ministrge 1999 jyldan bastap bólshekteý jáne kómý aldynda 50 jyl boiy konservatsiialaý jáne ustaý rejiminde turǵan BN-350 jyldam neitrondy ónerkásiptik reaktoryn paidalanýdan shyǵarý jónindegi jumys týraly baiandaldy. Aqtaý qalasynda suiyq metall jylý tasymaldaǵyshy bar BN-350 jyldam neitrondy ónerkásiptik reaktory 1972 jylǵy 29 qarashada fizikalyq iske qosylyp, bir jyldan keiin Mańǵystaý energiia júiesine qosylǵan bolatyn. BN-350 reaktorlyq qondyrǵysy shirek ǵasyr jumys istedi.
Sapar qorytyndysy boiynsha Nurlan Noǵaev jaýapty tulǵalarǵa birqatar naqty tapsyrmalar berdi.
