ماڭعىستاۋ وبلىسىنا جۇمىس ساپارى اياسىندا قر ەنەرگەتيكا مينيسترٸ نۇرلان نوعاەۆ «ماەك-قازاتومٶنەركەسٸپ» جشس-دا بولدى, دەپ حابارلايدى "ۇلت اقپارات" اتالعان مينيسترلٸكتٸڭ باسپاسٶز قىزمەتٸنە سٸلتەمە جاساپ.
مينيستر ٶنەركەسٸپتٸك تۇتىنۋشىلارعا ەلەكتر جەنە جىلۋ ەنەرگيياسىن ٶندٸرۋگە جەنە ديستيلليات دايىنداۋعا ارنالعان 10 تۋربينالىق اگرەگات پەن 13 قازاندىق ورناتىلعان 2-شٸ جىلۋ ەلەكتر ورتالىعىنىڭ (2-جەو) جۇمىسىمەن تانىستى.
ٸسساپار بارىسىنداعى نۇرلان نوعاەۆ ديستيلليات ٶندٸرۋ زاۋىتىندا بولىپ, وندا تەڭٸز سۋىن تۇششىلاندىرۋ تەحنولوگيياسى جەنە كەشەننٸڭ تيٸمدٸلٸگٸن ارتتىرۋ جوسپارلارىمەن تانىستى.
مينيسترگە 1999 جىلدان باستاپ بٶلشەكتەۋ جەنە كٶمۋ الدىندا 50 جىل بويى كونسەرۆاتسييالاۋ جەنە ۇستاۋ رەجيمٸندە تۇرعان بن-350 جىلدام نەيتروندى ٶنەركەسٸپتٸك رەاكتورىن پايدالانۋدان شىعارۋ جٶنٸندەگٸ جۇمىس تۋرالى باياندالدى. اقتاۋ قالاسىندا سۇيىق مەتالل جىلۋ تاسىمالداعىشى بار بن-350 جىلدام نەيتروندى ٶنەركەسٸپتٸك رەاكتورى 1972 جىلعى 29 قاراشادا فيزيكالىق ٸسكە قوسىلىپ, بٸر جىلدان كەيٸن ماڭعىستاۋ ەنەرگييا جٷيەسٸنە قوسىلعان بولاتىن. بن-350 رەاكتورلىق قوندىرعىسى شيرەك عاسىر جۇمىس ٸستەدٸ.
ساپار قورىتىندىسى بويىنشا نۇرلان نوعاەۆ جاۋاپتى تۇلعالارعا بٸرقاتار ناقتى تاپسىرمالار بەردٸ.
