Atyraý oblysynyń ákimi Nurlan Noǵaev qazaq qoǵamyn ultsyzdanýdan qorǵaýymyz kerek dep málimdedi. Aimaq basshysy bul týraly oblysta ótken respýblikalyq Jumeken Nájimedenov oqýlary kezinde aitty.
“Aramyzda dástúrin, mádenietin umytyp bara jatqan azamattar bar. Biz ul-qyzdarymyzdy ultsyzdanýdan qorǵaýymyz kerek. Al, bul protseske tótep beretin birden-bir nárse – rýhtyń biiktigi. Jastar rýhqa azyq bolatyn halqynyń muralarynan únemi nár alyp otyrýy qajet”, - dedi Nurlan Noǵaev.
Aita ketelik, Jumeken Nájimedenov atyndaǵy respýblikalalyq kórkem sóz oqý sheberleri saiysy oblysta biyl birinshi ret ótkizilip otyr.
Baiqaý qorytyndysy boiynsha, atyraýlyq úmitker Názira Áshim birinshi oryndy enshilese, Aqmola oblysynan kelgen Perizat Muratqyzy men mańǵystaýlyq Aidos Jumabaev júldeli ekinshi oryndy jeńip aldy. Al, atyraýlyq Nurdáýlet Tabyldiev, Shyǵys Qazaqstannan kelgen Araily Altaeva, Ońtústik Qazaqstannan qatysqan Nazerke Quljabaeva ózara úshinshi oryndy bólisti.
Talapakerlerge QR Memlekettik syilyǵynyń iegeri, jazýshy Qajyǵali Muhanbetqaliuly, Halyqaralyq «Alash» ádebi syilyǵynyń iegeri, aqyn Serik Turǵynbekuly, QR Prezidenti syilyǵynyń laýreaty, jazýshy Mereke Qulkenov, filologiia ǵylymdarynyń doktory, aqyn Qadir Júsip jáne Atyraý oblystyq mádeniet, muraǵattar jáne qujattama basqarmasynyń basshysy Ábil Jolamanov qazylyq etti.
Jumeken Nájimedenov – Qazaqstan Respýblikasy Memlekettik ánurany mátininiń avtory, kórnekti aqyn, Qazaqstan Jastar odaǵy syilyǵynyń iegeri.
Ult portaly
.jpeg)