QR Energetika ministri Nurlan Noǵaev Atyraý oblysyna jumys sapary barysynda óńirlik energiia júiesiniń nysandaryn aralady, dep habarlaidy "Ult aqparat".
Ministrlik baspasóz qyzmetiniń málimetinshe, Atyraý jylý-elektr ortalyǵynda Nurlan Noǵaevqa kásiporynnyń elektr qýatyn keńeitý barysy tanystyryldy. Investitsiialyq joba 2007 jyly iske asyryla bastady jáne birneshe kezeńderden ótti. Bul Joba tek qana Atyraý oblysy emes, jalpy Qazaqstan úshin mańyzdy. Sebebi ol búkil eldiń energiia qaýipsizdigin qamtamasyz etý úshin jumys isteidi.
Qosymsha týrboagregattardy, qazandardy ornatý, bý júktemesin ulǵaitý óndiriletin elektr qýatyn 215 MVt-tan 474 MVt-qa deiin jetkizýge múmkindik berdi. Bul kásiporyn qýatyn ulǵaitýǵa baǵyttalǵan barlyq júrgizilgen jumystar emes. Qýaty 60 MVt bolatyn taǵy eki týrboagregat ornatý josparlanyp otyr.
Ministrdiń atap ótýinshe,, jańa stansalar Atyraý oblysy ekonomikasynyń energetikalyq qýatyn arttyrýǵa múmkindik beredi. Bul ásirese energiiaǵa tapshy óńir úshin mańyzdy sanalady.
Energetika ministri tanysqan kelesi nysan «SagatEnergy» JShS boldy. Belgilengen qýaty 10 MVt bolatyn elektr stansasy búgingi kúni Kaspii qubyr jelisi konsortsiýmynyń qajettilikterin qamtamasyz etedi. Qazirgi ýaqytta kásiporynda qosymsha belgilengen qýaty 30MVt-ty quraityn elektr stansasy keńeitý boiynsha jumystar júrgizilýde.
Jumys istep turǵan gaz elektr stansasy 2016 jyly qalpyna keltirildi. Mamandardyń aitýynsha, KEGOC kishi stansasyna jaqyn ornalasqan ikemdi júkteme múmkindigi bar jańa gazporshendi stansa búkil Batys energiia toraby jumysynyń turaqtylyǵy men senimdiligin jaqsartýǵa múmkindik beredi.
