قر ەنەرگەتيكا مينيسترٸ نۇرلان نوعاەۆ اتىراۋ وبلىسىنا جۇمىس ساپارى بارىسىندا ٶڭٸرلٸك ەنەرگييا جٷيەسٸنٸڭ نىساندارىن ارالادى, دەپ حابارلايدى "ۇلت اقپارات".
مينيسترلٸك باسپاسٶز قىزمەتٸنٸڭ مەلٸمەتٸنشە, اتىراۋ جىلۋ-ەلەكتر ورتالىعىندا نۇرلان نوعاەۆقا كەسٸپورىننىڭ ەلەكتر قۋاتىن كەڭەيتۋ بارىسى تانىستىرىلدى. ينۆەستيتسييالىق جوبا 2007 جىلى ٸسكە اسىرىلا باستادى جەنە بٸرنەشە كەزەڭدەردەن ٶتتٸ. بۇل جوبا تەك قانا اتىراۋ وبلىسى ەمەس, جالپى قازاقستان ٷشٸن ماڭىزدى. سەبەبٸ ول بٷكٸل ەلدٸڭ ەنەرگييا قاۋٸپسٸزدٸگٸن قامتاماسىز ەتۋ ٷشٸن جۇمىس ٸستەيدٸ.
قوسىمشا تۋربواگرەگاتتاردى, قازانداردى ورناتۋ, بۋ جٷكتەمەسٸن ۇلعايتۋ ٶندٸرٸلەتٸن ەلەكتر قۋاتىن 215 مۆت-تان 474 مۆت-قا دەيٸن جەتكٸزۋگە مٷمكٸندٸك بەردٸ. بۇل كەسٸپورىن قۋاتىن ۇلعايتۋعا باعىتتالعان بارلىق جٷرگٸزٸلگەن جۇمىستار ەمەس. قۋاتى 60 مۆت بولاتىن تاعى ەكٸ تۋربواگرەگات ورناتۋ جوسپارلانىپ وتىر.
مينيستردٸڭ اتاپ ٶتۋٸنشە,, جاڭا ستانسالار اتىراۋ وبلىسى ەكونوميكاسىنىڭ ەنەرگەتيكالىق قۋاتىن ارتتىرۋعا مٷمكٸندٸك بەرەدٸ. بۇل ەسٸرەسە ەنەرگيياعا تاپشى ٶڭٸر ٷشٸن ماڭىزدى سانالادى.
ەنەرگەتيكا مينيسترٸ تانىسقان كەلەسٸ نىسان «SagatEnergy» جشس بولدى. بەلگٸلەنگەن قۋاتى 10 مۆت بولاتىن ەلەكتر ستانساسى بٷگٸنگٸ كٷنٸ كاسپيي قۇبىر جەلٸسٸ كونسورتسيۋمىنىڭ قاجەتتٸلٸكتەرٸن قامتاماسىز ەتەدٸ. قازٸرگٸ ۋاقىتتا كەسٸپورىندا قوسىمشا بەلگٸلەنگەن قۋاتى 30مۆت-تى قۇرايتىن ەلەكتر ستانساسى كەڭەيتۋ بويىنشا جۇمىستار جٷرگٸزٸلۋدە.
جۇمىس ٸستەپ تۇرعان گاز ەلەكتر ستانساسى 2016 جىلى قالپىنا كەلتٸرٸلدٸ. مامانداردىڭ ايتۋىنشا, KEGOC كٸشٸ ستانساسىنا جاقىن ورنالاسقان يكەمدٸ جٷكتەمە مٷمكٸندٸگٸ بار جاڭا گازپورشەندٸ ستانسا بٷكٸل باتىس ەنەرگييا تورابى جۇمىسىنىڭ تۇراقتىلىعى مەن سەنٸمدٸلٸگٸن جاقسارتۋعا مٷمكٸندٸك بەرەدٸ.
