Álemge áigili qytai jazýshysy, ádebiet atalymy boiynsha Nobel syilyǵynyń iegeri Mo Ian Qazaqstanǵa alǵash ret kelgeli otyr, dep habarlaidy ult.kz.
Jazýshy QR Mádeniet aqparat ministrligi men Qazaqstan Jazýshylar odaǵynyń uiymdastyrýymen 22 maýsym kúni Ál-Farabi atyndaǵy Qazaq Ulttyq ýniversitetiniń bas ǵimaratynda elimizdiń túkpir-túkpirinen jinalǵan jas qalamgerlerge sheberlik dárisin oqidy.
Shyǵarmalary álem oqyrmandarynyń ystyq yqylasyna bólengen Mo Ianmen birge Qytai Memlekettik syilyǵynyń, Halyqaralyq «Alash» ádebi syilyǵynyń iegeri, jazýshy, aýdarmashy Ákbar Májit, Beijiń Til jáne Mádeniet ýniversitetiniń professory, ǵalym Liý Shitsin qazaq topyraǵyna at basyn burady.
Atalǵan sharalar 2024 jyldan beri Qazaqstan Jazýshylar odaǵy men Qazaqstan Respýblikasy Mádeniet jáne aqparat ministrliginiń strategiialyq áriptestigi aiasynda jyl saiyn ótkizilip kele jatqan «Jas jazýshylardyń ádebi sheberlik mektebi» kýrsynyń aiasynda júzege asady.
