Frantsiia soty eldiń burynǵy prezidenti Nikolia Sarkozidi sybailas jemqorlyqqa jáne sýdiaǵa para berýge áreket jasaǵany úshin kináli dep tapty. Oǵan úsh jylǵa bas bostandyǵynan aiyrý jazasy kesildi, biraq onyń ekeýin shartty túrde óteitin boldy, dep habarlaidy "Ult aqparat" VVS-ge silteme jasap.
Sarkozi aiyptaýlardy joqqa shyǵardy jáne bul «saiasi opponentterdiń qýdalaýy» dep sanaidy.
Iste Sarkoziden bólek eki aiyptalýshy bar. Olar – eks-prezidenttiń dosy ári advokaty Terri Ertsog pen kassatsiialyq sottyń burynǵy prokýrory Jilber Aziber. Úsheýine de aiyp 2014 jyly taǵylǵan. Sot protsesi byltyr qarashada bastalǵan.
Frantsiianyń zamanaýi tarihynda alǵash ret burynǵy prezident sotqa tartylyp, aiypty tanylyp otyr.
Sarkozige qarsy taǵy bir qylmystyq is qozǵalyp otyr. Burynǵy prezidentten Liviianyń burynǵy prezidenti Mýammar Kaddafiden zańsyz aqsha aldy dep kúdiktenip otyr.
Sonymen qatar Frantsiianyń qarjy jónindegi ulttyq prokýratýrasy reseilik saqtandyrý kompaniiasymen jasasqan kelisim jóninde Sarkozige qatysty aldyn ala tergeý júrgizip otyr. 3 million dollarlyq kelisim "Reso-Garantiia" saqtandyrý kompaniiasymen Sarkozi prezidenttigi kezinde jasalǵan. Is "yqpaldy saýdalaý" jáne qarjy izin jasyrý kúdigi boiynsha tergelip otyr.
Osy ýaqytqa deiin Frantsiia prezidentteriniń bireýi ǵana ókilettigi aiaqtalǵannan keiin bir ret sottaldy, biraq onyń ózinde ol túrmede otyrǵan emes.
Tergeýshiler aldymen - 2007 jáne 2012 jyldardaǵy eki sailaý naýqanyn qarjylandyrýdy muqiiat tekserdi. Sarkozige qarsy basqa da aiyptar taǵyldy, olar: sybailas jemqorlyq jáne qyzmet babyn asyra paidalaný.
Aiyptaý Sarkozi men onyń advokaty Tierri Erzogtyń telefon arqyly sóilesken jazbalaryna negizdelgen, ol eks-prezidentpen birge aiyptaldy.
Sot isiniń tizbegi munymen bitpeidi. Jańa sot protsesi naýryzǵa josparlanǵan, onda Sarkozi men onyń 13 seriktesi 2012 jylǵy sailaý naýqanyn zańsyz qarjylandyrdy degen aiyptaýǵa jaýap berýi kerek.
Sarkozi alaiaqtyqqa qatysy bar dep kúdikke ilinýde, ol sailaý naýqany shyǵyndaryn zańmen belgilengen limitinen eki ese asyrǵan dep aiyptalýda.
