Nike kompaniiasy Braziliia quramasy jáne "Pari Sen-Jermen" fýtbolshysy Neimarmen kompaniia qyzmetkerine qatysty jynystyq zorlyq-zombylyq tergeýi bastalǵannan keiin kelisimshartty merziminen buryn buzdy. Bul týraly Wall Street Journal gazeti aqparat kózderi men qujattarǵa silteme jasai otyryp jazady, - dep habarlaidy Tengrinews.
Basylym málimeti boiynsha, 2020 jyldyń tamyzynda Nike álemdik fýtbol juldyzymen kelisimshartty negizsiz buzǵan. Biraq ol kezde sharttyń bitýine áli segiz jyl ýaqyt bolǵan. Gazet málimetine súiensek, bul Neimarǵa qatysty bastalǵan ishki tergeýge bailanysty.
2016 jyly Nike qyzmetkerleriniń biri tanystaryna, sondai-aq áriptesterine fýtbolshy ony Niý-Iorktegi qonaqúi bólmesinde jynystyq qatynasqa májbúrleýge tyrysqanyn aitqan. Ol Neimarǵa is-sharalar men logistikany úilestirýge kómektesken, dep jazady gazet.
2018 jyly qyz kompaniiaǵa shaǵym túsirgen. Osydan keiin Nike 2019 jyly tergeý júrgizý úshin advokattardy jaldaǵan. Kúdik týýyna bailanysty kompaniia Neimardy marketing salasynda qoldanýdy toqtatýǵa uiǵarǵan. Al 2020 jyly kompaniia fýtbolshynyń advokattarmen jumys isteýden bas tartýyna bailanysty qarym-qatynasty múldem toqtatady.
Fýtbolshynyń ózi aiyptaýdy joqqa shyǵarǵan. Neimardyń aitýynsha, kompaniia men fýtbolshy kommertsiialyq sebepterge bailanysty qatynasty toqtatqan.
