18 naýryzda Gollandiianyń Ýtreht qalasynda belgisiz bireý tramvai ishinde oq jaýdyrǵan. Politsiianyń dereginshe, bir adam qaza taýyp, birneshe adam jaralanǵan. Shabýyl jasaǵan adam áli ustalǵan joq.
Oqiǵa jergilikti ýaqyt boiynsha 10.45-te (Astana ýaqytymen - 15.45) oktoberplein 24 tramvai aialdamasynda bolǵan. Politsiia "oqiǵa terakt bolýy múmkin" dep kúdiktenedi. Biraq el biligi áli resmi málimdeme jasaǵan joq.
«Oqiǵa Ýtreht qalasyndaǵy Oktoberplein 24 mekenjaiynda boldy. Bul týraly 10:45-te habarlandy. Bir adam qaza taýyp, birneshe adam jaralanǵan. Oqiǵa bolǵan aýmaq qorshaýǵa alyndy, qazir tergeý júrip jatyr», - dep habarlady politsiia Týitterde.
NOS agenttiginiń habarlaýynsha, qurbandardyń naqty sany ázirge belgisiz.
Niderlandynyń qaýipsizdik jáne terrorizmge qarsy kúres agenttigi de tergeýge tartyldy. Ýtreht provintsiiasynda terroristik qaýiptilik deńgeii 5-ke deiin kóterildi.
Oqiǵa ornanda qarýly politseiler bar. Sanitarlyq aviatsiia qyzmeti atys bolǵan jerge úsh tikushaq jiberdi.
«Kýágerlerdiń aitýynsha, er adam qarýyn shyǵaryp, bárine oq jaýdyrǵan. Keiin oqiǵa ornynan ketip qalǵan», - dep habarlady politsiiada. Olar Renault Clio qyzyl tústi kólikti izdep jatyr.
Jergilikti BAQ politsiianyń ázirge eshkimdi tutqyndamaǵanyn habarlady.
Aita keteiik, Ýtreht qalasy - Amsterdamnan ońtústik-shyǵysqa qarai 40 shaqyrym jerde ornalasqan Niderlandydaǵy aýqymy boiynsha tórtinshi qala.
