QR Aýyl sharýashylyǵy ministri Saparhan Omarov Niderlandy Koroldiginiń Tótenshe jáne Ókiletti Elshisi Dirk Ian Koppen kezdesti, dep habarlaidy "Ult aqparat" ministrliktiń baspasóz qyzmetine silteme jasap.
Kezdesý barysynda taraptar aýyl sharýashylyǵy ónimderi taýarlarynyń ainalymy, aýyl sharýashylyǵy ónimderin óńdeý jáne qaita óńdeý salasyndaǵy birlesken investitsiialyq jobalardy júzege asyrý máselelerin talqylady. Atap aitqanda, Almaty oblysynda kartop friin shyǵaratyn zaýyt qurylysy men Pavlodar oblysynda niderlandiialyq Lely kompaniiasymen birlesken demonstratsiialyq sút fermasyn qurý jobalary qarastyryldy.
Aita keteiik, Niderlandy Qazaqstannyń ekonomika jáne aýyl sharýashylyǵy salasyndaǵy mańyzdy seriktesi sanalady. 2018 jyly Qazaqstannyń Niderlandymen agroónerkásip kesheni ónimderiniń taýar ainalymy 68,1 mln dollardy qurady. Bul rette eksport kólemi 2017 jylmen salystyrǵanda 2 ese artyp, 10,1 mln dollardan 22,2 mln dollarǵa jetip otyr.
