Foto: Gov.kz
Niderland Koroldigi Jambyl oblysynda ótken «Qyzǵaldaq mura – 2026» halyqaralyq festivali aiasynda óńirge 40 myń qyzǵaldaq piiazshyǵyn syiǵa tartty, dep habarlaidy Ult.kz.
Is-shara Jambyl oblysy Talas aýdanyna qarasty Eseihan aýyly mańynda uiymdastyryldy. Festivaldiń basty maqsaty – qyzǵaldaqtyń tabiǵi murasyn saqtaý, oqiǵalyq týrizmdi damytý jáne eldiń mádeni imidjin nyǵaitý. Atalǵan shara Týrizm jáne sport ministrligi bekitken 2026 jylǵa arnalǵan resmi kúntizbege engizilgen.
Festivalge 6 myńnan astam adam qatysty. Olardyń qatarynda Niderland, Qytai Halyq Respýblikasy jáne Mońǵoliia elderinen kelgen investorlar men týrister bar. Jalpy, shamamen 50 sheteldik qonaq jinaldy.
Festival aiasynda Niderland ókilderi tabystaǵan qyzǵaldaq piiazshyqtary halyqaralyq yntymaqtastyqty damytýǵa jáne óńirdiń qyzǵaldaq týrizmi ortalyǵy retindegi áleýetin arttyrýǵa baǵyttalǵan.
Is-shara jabaiy qyzǵaldaqtardyń gúldeý kezeńimen tuspa-tus ótti. Qonaqtar úshin gúldegen alqaptarǵa arnaiy kólik qatynasy uiymdastyrylyp, tabiǵi landshafttarmen jáne ósimdikterdiń erekshelikterimen tanysýǵa múmkindik berildi.
Festival baǵdarlamasyna kontserttik qoiylymdar, «Qyzǵaldaqtar patshasynyń tarihy» atty teatrlandyrylǵan kórinis, filarmoniia kontserti, ulttyq sport oiyndary, «Qymyzmuryndyq» dástúri jáne qolónershiler jármeńkesi endi. Sahnada Serik Ibragimov, Toqtar Serikov jáne Beibit Seidýaliev óner kórsetti.
Sonymen qatar «Taza Qazaqstan» aktsiiasy aiasynda aýmaqty tazartý jumystary júrgizildi. Uiymdastyrýshylardyń aitýynsha, festival tabiǵi qyzǵaldaq alqaptaryn saqtaýǵa, ekologiialyq jáne oqiǵalyq týrizmdi damytýǵa, sondai-aq halyqaralyq seriktestikti nyǵaitýǵa baǵyttalǵan.
